Yeremi 13:20 - BII BILA

²⁰ Yerusalɛm heelu vɔ hɔlla mà tofa, yaamɔaa nɔmnda co hunɔɔ fulaa a ba luaŋ-ndo-a. Ɔ́ɔ̀ cɔlua kundaa ya yɔngu nɔm mandaa-a? Ɔ́ɔ̀ saa n va cɔmnɔnndo-a?

Yeremi 13:20 Referans Kwoze

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Yeremi 1:14

O kon mí Mɛlɛka dimul-la aa: «A ba luaŋ-ndo dɛnɛ palaa co fula ni mò tol vanaa co o lɛŋnden-nden nin-nda kpow coo.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Yeremi 1:15

Kani i co vanaa-mangalaa-isɔaa co o masɛi co a ba luaŋ-ndo nin-nda veelu. Sɔɛi fula ya Mɛlɛka o sondo-e co ken ni! A hunnin kpow mì vana-vana kɛsi kpɛŋɛ lemasa ndɔɔ o diolan Yerusalɛm sondoo, o sungbule kpakio balɔɔ sɔ́ a o kobila Yuda lan kpow balɔɔ.

Yeremi 25:37

Vɔlɛla sɔkɔ-sɔkɔlan la mei kpili a kɔltuw bɛndu Mɛlɛka-o.

Talelan 14:28

Lɛŋnden le nɔ pɛ vanndacieea sɛ́lɛ́, masa co lecoo-o sɔla bɛɛlen. Kɛ te lɛŋnden le nɔ vanndacieaa bɔɔ le, simlaci le co o ba bɛngu-o del.