Yeremi 13:18 - BII BILA

¹⁸ Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

Yeremi 13:18 Referans Kwoze

Yeremi 22:26

I toawnin nɔm niaa kala nɔm, o lɛŋnde niaa vilun nin te len nin. Lon niaa vunin ni.

2Masaa 24:12

Vɔsi kon o suili vɔsilan laŋɔmaa o masalen ni. Mí Yehoyakin masaa Yuda fula nda kala ndɔ, buɛyaa ndɔa, vanaa ndɔa baalaa a vanaa bɛndua va ndu o ba bɛngu-a, mó kɔ yɔngun masaa Babilɔn. Mí caan kon ndu mal ndu o kaasoo.

2Masaa 24:15

Mó kɔa a masaa Yehoyakin Babilɔn, mó kɔannun vɛlɛ a kalaa masa kon, a laandaa ndɔa, a vanaa bɛndua va ndu o ba bɛngu-a a á langbaa kɛsun kálàá va o lɛŋnden nin-nda kpede.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Esai 47:1

Niaa vannda Babilɔn sei, la cɔn mì la tol, mì la cal o cundoo nin lɛŋ! La cal lɛŋ vɔyɔn, niaa Kaldea, kani masalen le hɛlun niaa. A veelu lɛnin niaa aa: «Vanaa kɔlkɛndɛa a vanaa vannda yeema yeemaa bɛndoo-a le.»

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

1Piɛr 5:6

Lelan, la tuisin o ba kpaaya Hala-o bɛngu, haliko mo heelu niaa o telen bɛnda-o.

Nsaki 4:10

La tuisin tootoo Mɛlɛka o hɔl, mò heelu niaa.

Matie 18:4

Lelan, vana-vana tuisin pɛ maa poombɔ pɔmbɔɔ ho, ndu hiawnin vaa o bɔɔ o masale halataala len nin ni.

Yonas 3:6

Tuma masaa Ninive sina dɛnɛ kon-ndo, mó can o kpɛŋɛ ndɔ lemasaa coo, mó hulu doma ndɔ lemasaa, mí ndu pila bɛɛ vownun volɔɔla dɛnɛ palaalan, mó cal o pultan nin.

Esai 3:26

Diola luɛyaala kpakio Siɔn la dɔawnunnin ɲinkon yɛɛvɛ, mì dɛnɛ palaa tol tan coo. Kobi kon tambunin mì vanaa co lenin-nda cal lɛŋ vɔyɔn!»

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

Fulaa 10:3

Mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka soo nuaa ni, Hala Hebreea pɛɛn aa: ‹Vɛ ma va kɛɔ tuisinndo ya o labɛngunin? Mel-la cuavaa niaa mà kɔ biilu ya.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

Fulaa 39:28

má tosa vɛlɛ mɔsil vilɛi solia lasálàá a kola keesoo. Má tosa vɛlɛ mɔsilta vanaa-solia-lasálà a lɛmbɛla lebɛngulan a kola pilɛ kon.

Talelan 27:24

kani bolofaa co ɲɛ lɔ́ɔ́-lɔ́ɔ̀ le, pondale lemasalen bɛɛ le co ɲɛ fɛɛn-fɛɛn te.

Esai 3:20

boofiaalan, yɔlɔn pɔmbɔn n'pelon, kolacooe, sianila malasikɔlɔlan, yaayaan pɔmbɔ-pɔmbɔn,

Yeremi 29:2

Telen o sɛva sɛbɛ kon-ndo komal nin masaa Yekonia, kalaa masaa, simlacia, van bɛndua Yuda a haa Yerusalɛm, vanaa caa valta labalan-nda a sumnda kpow ndáà faŋan nin Yerusalɛm.

Yeremi 36:16

Lɔ́ɔ́ nda cii sɔɔn mun kpow tueyɔɔ-o, mí siòònde bii nda taw, mí nda pila nuwvian hɔlla vellaa-velle. Má dimul Baruk aa: «Fɔ mì n kɔ downun masaa sɔɔn mun kpow kona.»

Cɛɛŋɔnnda Yeremi lan 1:6

Biilu va le kobio Siɔn-ndo hɛlun ndu. Vanaa ndɔa bɛndua muungu maa kialaa co lɛ bil diaa saalɔn te-a. A co kiltan doosunɔ laci, kɛ hali yoomulen, a nɔ len te.

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Esekiɛl 16:12

Mí vow kelɛi nɔm o milin, mí vow kelan nɔm o lani, mí vow mɔsil kɛndɛ-kɛndɔɔ nɔm o lebol.

Esekiɛl 21:26

Kani masaa Babilɔn sim o nɛi-lábándoo, o nɛila tiɔnndan sondoo, le yavaa vomɔɔ. O co kɔɔn hiiloo, o co piɔmaa tongoninnda ɲunaa, o co yemndon mɛɛndianndo.

Esekiɛl 24:17

Ŋɔɔcian o kɔl nin, kɛ tosa sɔɔn biisin vanvílɛ́iya le. Vownun mɔsil nɔm vilɛiyo, vownun samtala nɔmndan o n'pelu, kumbu hɔlaa nɔmnda tálá co lebɛngu-o le, dia ɲɛdiaa biisi caanda le.»

Esekiɛl 24:23

Mɔsilta niaalan la vanin niaa o lebol, la tosanin sɔɔn biision te, la ceŋnin te, kɛ la ɲawnin le hakila niaalan mì la cɛɛŋun niaa pila ikɛi vellaa-velle.

Esekiɛl 44:18

A bɛnda mà vownun mɔsilta kola keeselan o lebol, ma vownun lɛmbɛla pɔmbɔla kola keeselan. A bɛnda mà kandan ɲɛ yɔngu nda hangullo ma lali-o o caŋ te.

Daniɛl 5:20

Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.