17 Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.
Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.
«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.
Vanaa co icali Siɔn-nda soli diomndan o lepilɔɔ o Mɛlɛka lo. Kpakio Siɔn, paalen a ɲumndan, va mɛmɛma nɔmndan tuisio maa pee pɔmbɔ. Cɛl mà pɛngi le, yɔngu hɔlta nɔmndan pɛngio le few.
Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.
Kobila co lapiɔlɛilan-ndan la pianin a sɛ́lɛ́ bɛndu vanndacieea. A vanin sɛ́lɛ́ maa cɔlua sálàá, maa cɔlua vannda kɔa Yerusalɛm ciee o kafolan coo-a. O kon vannda sinanin maa ya co Mɛlɛka ni.
Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.
Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.
O kon mí vanaa ndɔa yiyan a palɛi masindɛi, má loonun a Moise, má ɲuna aa: «Kuɛɛ nɛ vana faŋa nda o mɛmma ihɛllan kɔngɔ mó heelu a nda, a vana mandaa n'saa vanaa ndɔa-o co yɛ? Kuɛɛ nɛ vana va kɔl diandaa ndɔɔ tuisio nda tɛɛn-ndo co yɛ?
«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.
Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.
Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›
mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»
«Po vanacieo sei, i co (lanɔ) hɛnan nɔm hoo o tofaa-o yomɔɔ o lepilɔɔ kpɔsu, mò lo nɔm o hɔl telele. Kɛ a bɛnda ma tosa biisi ndɔɔ le, a bɛnda ma caŋ ndu le, a bɛnda ma tuisi mamɛmɛ le.