Yeremi 13:16 - BII BILA

¹⁶ La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Yeremi 13:16 Referans Kwoze

Esai 59:9

Lelan yamɛi sandɛi kɔɛ naa levil ni, sakpoyɛi co naa komal te. N va tiindanndo le ɲɛ-tengaa sɔlaa, kɛ ɲɛ yifidiio kposon (naa n sɔla ni). N va pangeloo kɔnganndo, kɛ n co kelaa o ɲumndan nin.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Esai 60:2

Tofa vɔ, ɲumndan ma kunbu lɛŋnden mɔku-mɔku, ɲumma n'kpungban ma mel vanaa súúla celennda. Kɛ nɔm nɔm, Mɛlɛka co nɔm tengaa coo maa lepala, biilu ndɔɔ cɔmnun nɔm coo.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Talelan 4:19

Kɛ maa maɲum nɛi vanaa kɔlvesɛiya co ni. À sinà ɲɛ nda keinin koondan mà del-lo le.

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

Yeremi 23:12

«Lelan nɛi ndaa culukunin ni. A kuindiannin o ɲumndan nin mà deli. Vɔsi ya mululunnin nda-o, i co nda dɛnɛ palaa tuisi coo.» Sɔɛi fula Mɛlɛka o sondo-e co ken ni.

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Condii lisai 44:19

N muungu a makɔɔ le, n mel vɛlɛ nɛila nɔmndan te.

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

Fulaa 10:21

Mí Mɛlɛka dimul Moise aa: «Heelu ba nɔmndo coocoo haliko mi ɲumma bɛndu-bɛnduan ma tol o lɛŋnde Esipte len coo kpow, ɲumma n'kpungbama man ma celulnin háá mì vana nɔla man pilanndo.»

1Piɛr 2:8

O kon kɔɔli, mó dimi vɛlɛ aa: «Pow tosa mà boŋ, mà del-lo co kon ni.» Vanaa kan a del kani a kɛɛ le diom Hala-o biyɔɔ, nduyɛ ken ndíì kelun le nda ni.

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Cɛɛŋɔnnda Yeremi lan 4:17

Hɔlta naalan la co sangaa tofaa le mala sɔlannin too cumndo. Cumndo tuŋ naa n va o fondala naala cumulaa lan ni. N sanga vanaa-mangalaa-isɔɔa pum cumndo le naa baŋaa, kɛ a hin te few.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Yeremi 8:15

Kɔlɲuloo naa n va kɔl ni, kɛ dɛnɛ kɛndɛ kɛ́-kɛ̀ co naa komal te. Siongɔɔ naa n yeema ni, kɛ dɛnɛ palaa sii co hiyanndo ni!

Vana Kɔlkaloo 11:8

Te vanndo tosa pɛ yoomu vɔsilan taw, o bɛnda mò dɔwnun ɲaale o vɔsila lan kpow bɛngu. Kɛ o loonun maa palɛi dɛnɛ palɛi vanin sɛ́lɛ́. Dɛnnda toal vana coo lan kpow, sanga fondoo fúú.

SƐBƐ YƆB-O 3:5

Màá ɲumma bɛnduan a vundule piɔ́mnden léè tol paale len coo vofu! Màá yumbuyumbo bɛndoo ndóò tol o paale len coo! Màá halataalaa va lɔ́ɔ́-lɔ́ɔ̀ o tiŋi kpilo o paale len coo, mì ɲɔɔ ndóò kumbu ɲɛ-tengaa paale len mì siòònde ndíì bii len!

Condii lisai 107:10

Vanaa pum va o ɲumndan nin a o soon yingilaa nin, dɛnɛ palaa va nda coo, a va o yɔlɔn

Condii lisai 107:14

Mó soli nda o soon yingilaa nin, mó kilikili yɔlɔn ndan.

Yeremi 2:6

A ɲunan te aa: ‹Kuɛɛ nɛ Mɛlɛka co yɛ? Kuɛɛ o co yɛ, o soli naa Esipte-o, o sim naa laci le heeloo a naa o lɛŋnde veselɛilen nin-ndo, o lɛŋnde nɔ mamɛn te len nin, lɛŋnde bólta yingilaalen pɛɛn. O lɛŋnde veselɛilen nin, nɛɛ vana nɔla kei le-a, nɛɛ vanaciee nɔla calle le-a pɛɛn?

Yeremi 6:21

Lelan Mɛlɛka dimi ni aa: «I handunin powta boŋaalan vannda ha laci, lon fuɲaa nda poaa ndaa boŋinin ni, mì vanaa cal nɛɛ pilɛ-a a canyan n va boŋio lon latulu mà cuu.»

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

Esekiɛl 21:15

Le (vannda) diwvo i cɛɛŋan ni, i co volio ŋuandi-ŋuandi i yikpɛi tɛm-tɛm. Vɛ̀ɛ̀ vana dɔawnun ɲaale a tinda lemasa po nuu? Tinda lemasaa co ɲɛ-ɲɛ mɔɛi cɔwve o hɔl te.

Esekiɛl 34:12

Mɛɛ vana mandaa n'saa cuungiaa cɔlua ndɔa paale nda co sɛŋin-nden yɛ, lende ya mɔɔsiaanin saa nia ni, mì soli nda o fondala nda co a saŋnannda nin-ndan kpede, nɛɛ ndáà sɛŋin o paale yumbuyumbulen a o paale ɲumma bɛndulen coo-a.

Esekiɛl 36:15

I mel-lɛnin vanaa-mangalaa-isɔɔa ma yeow nɔm ma cii nɔm bɛ̀ɛ̀lan te. Vanaa súúla celennda tuisi lɛnin nɔm siɛmbulan te, nɔm bɛɛ a tuŋ ndɛnin vanaa nɔmnda cuawva le. Ya Maalii, ya co Mɛlɛka-o soo nuaa ni.»

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Amɔs 5:18

«Dɛnɛ palaa co nda cum, vanaa yeema le paale Mɛlɛka len cɔu-va! Le kɔlɔ yɛɛ niaa co yɛ len yeemaa? Yɛɛ niaa sɔ̀là yɛnin o paale Mɛlɛka len coo nɛ? Nduyɛ, paale maɲumnden paale len le vanin ni, le venin paale ɲɛ-tengaa le.

Condii lisai 29:2

La yɔngu Mɛlɛka biiloo le diola ndɔlan! La baŋ ndu vulan Mɛlɛka o labɛngunin tuma diondɔɔ ndɔɔ co cɔmnɔnndo-o.

Esai 59:10

N co kɔlan o cìì cɛiyo holnɔnndo a balan keeliaa maa vanaa sumɛi, n co kɔlan a balan keeliaa maa vanaa nɔ lahɔl te-a. N co boŋio ipala déŋ maa o maɲum nin. Maa n'van vílɛ́i naa n co vanaa mayoomua tɔ̀a tɛɛn ni.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.