Yeremi 13:14 - BII BILA

¹⁴ Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Yeremi 13:14 Referans Kwoze

Tɔŋ miingua 29:20

Mɛlɛka faŋanin ndu polama Israɛlla kpow tɛɛn le dɛnɛ palaa toalnin ndu coo-o, maa mɛɛ dangala co o kpema sɛvan o sɛbɛ tɔŋndo ho nin-ndo la co yɛ.»

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 6:21

Lelan Mɛlɛka dimi ni aa: «I handunin powta boŋaalan vannda ha laci, lon fuɲaa nda poaa ndaa boŋinin ni, mì vanaa cal nɛɛ pilɛ-a a canyan n va boŋio lon latulu mà cuu.»

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Marke 13:12

Vanndo malnin puapilɛ ndɔɔ vannda o ba, mà dii ndu. Mì fuɲaa mal po ndɔɔ vannda o ba, mà dii ndu. Cuavaa vialaa simulnin vanaa velu nda-a, mà diw nda.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Esekiɛl 24:14

Ya Mɛlɛka soo nuaa ni, i tosanin ɲɛ ya dimi-o, i peelunin sɔɛi nii, i mɛinin ɲɛ-ɲɛ le tosaa le, ɲíí biinin ya le, mɔnɛi biinin ya le. Yamɛi nɔmnde kialunnin mɛɛ kelala nɔmndan a dɛnnda nɔmndan la co yɛ!» Sɔɛi fula Maalii o sondo-e co ken ni, Mɛlɛka pɛɛn.

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Esekiɛl 9:5

Mí tuɛi ndu vɛlɛ vanaa tɔ̀a dimullo aa: «La kɔ ndu kɔɔli o kobio nin, mì la kɔ diw vannda. La tosa iɲíí a nda le, la hɛli vana-vana le.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esekiɛl 7:9

I tofanin niaa mì ɲíí bii ya le. I keinin niaa baa coo le few! I siiluunin niaa volɔɔlan mɛɛ dɛnnda niaalan la co yɛ, dɛnnda niaala nɔɔlɛilan kpede la fulanin ceen niaa o hɔl kpendekele. O kon niaa sinanin ni maa ya co Mɛlɛka soaŋ vana-o ni.

Esekiɛl 7:4

I tofanin niaa mì ɲíí bii ya le, i keinin niaa baa coo le few! Kani i siilunin niaa dɛnnda niaa co kelaa coo lan. Nduyɛ, dɛnnda niaala nɔɔlɛilan la fulanin ceen niaa pila o hɔl kpendekele. O kon niaa sinanin ni maa ya co Mɛlɛka ni.»

Yeremi 48:12

Sɔɛi fula Mɛlɛka o sondo-e co hee ni aa: «Lelan paale vanin mì vem vannda, mà kɔ yɛlɛma ndu o ɲɛ vovaa celen nin. A solinin ndu o kpɛɛnɛn o co nin-ndon nin, mà pesi mun.

Yeremi 47:3

Buukula ndalan la co diomndan soli, ɲɛla ɲaanannda soa nan-ndan la co va sɔɛi, pelun ndan vanin idiki-dikiei. Siòònde biinin kala-ncuawva, má va cuavaa ndaa pɔɛɛndan. Balan la vunin nda pɛ́-pɛ́.

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

2Dɛnnda lemasalan 20:23

Mí Amɔnnda nda Moabua del vanaa va icali o pembon Seir coo-a coo a cɔwvo, má diw nda kpow. Ndáà ciiyo nda diwvo, mí nda pila can diuvanndo vellaa-velle.

1Samiɛl 14:16

Kpalilaa Saul-la lo Kibea o tàndá Bɛnyamɛn-ndo nin, má ca Filistia ɲaanɔnndo ba-ba fee.

SƐBƐ YƆB-O 27:22

A co ndu viiyo a kɔɔn, a co iɲíí tosa a ndu le, o co ɲaanɔnndo mò va kɔɔn mun kpakpalaa.

Yeremi 15:5

Mí Mɛlɛka dimi aa: «Yerusalɛm, nɛ̀ɛ́-nɛ̀ tuinun yɛnin nɔm iɲíí, mò tosal nɔm dɛnɛ kɛndɔɔ? Nɛ̀ɛ́-nɛ̀ mulul-lɛnin nɔm hɔlla le i co nɔm coo-e sinaa?»

Cɛɛŋɔnnda Yeremi lan 2:21

Cuaambɔa a kaasoŋaa yuuvɛiya co ihini lɛŋ lɛtɛu o nɛilan lekɔɔ. Cuaambɔa lemboa a felengia piaandua nia cuu o mɔɛi cɔwve bɛngu. Paale n fula kɔllo len n diw nda ni, a yɔŋ iɲíí le, má kili nda bololan.

Osee 2:4

«La kilu kala niaa yamɛi, Israɛl pɛɛn. La kilul ndu yamɛi, kani o co lɛ laa ni le, ya bɛɛ i co lɛ pɔnɔ ndɔ le. O bɛnda mò vɔɔsun pondale suunda ndɔɔ ndu o hɔl. Mò faŋan tɔɔmasele suunda ndɔɔ ndu o mɛɛyan tɛɛn,

Sakari 11:6

Lelan, ya bɛɛ, i nɔ lɛnin iɲíí a vanaa co icali o lɛŋnde len nin-nda le. Ya Mɛlɛka co sɔɛi nuaa ni. Tofa vɔ, i co vannda vɔngul nda pila o laba vellaa-velle, mì mal nda vɛlɛ masaa o ba. Masaa kan tɛɛmbuunin lɛŋnden. Kɛ ya, i helunin vana-vana nda o ba le.›»

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 25:16

A kolnin man mì hɔlla hiŋ nda, mì bollen le hiŋnun nda tuma nda vanin vanvílɛ́iya cɔu a cɔw ya tuisinin nda tɛɛn-ndo-o.»

Esekiɛl 7:3

Sunsun, mɛɛlulan la tiiya le niaa. I tuisinin kɔl ni tuwvo niaa coo, mì kelu yamɛi le nɛila niaa co kelaa coo lan. I siilunin niaa dɛnnda niaala nɔɔlɛilan kpede.