Yeremi 13:13 - BII BILA

¹³ a dimul nda aa: ‹O Mɛlɛka dimio co hoo ni aa: I co tosa mì mɔiyan ma bii vanaa co o lɛŋnden nden nin-nda kpede, masaa co icali o kpɛŋɛ lemasa David-o nin-nda, vanaa-solia-lasálàá, vanaa-tɛɛngaa-diom Hala-a a vannda Yerusalɛm kpow.

Yeremi 13:13 Referans Kwoze

Esai 63:6

O kon, mí nɛw vanaa súúla celennda a labɛngu o kɔl ni tuwvo nin, mí mingi nda yingo-yingo o kɔl ni fulaa nin, mí taaliaa kooma ndan lɛŋ.»

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

Condii lisai 75:8

Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

Condii lisai 60:3

Éé Hala! A mal naa má puusiaa naa. O co bɛɛ a kɔl tuwvo a naa, kɛ mingi naa simi.

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Yeremi 51:7

Maa taala kólaa n'siani Babilɔn va Mɛlɛka o ba ni, o va ceendo kpow hɔlla hiŋndo. Vanaa-mangalaa-isɔɔa va mɔima ndɔan kolɔɔ háá mí maa hiŋ nda bolle.

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Esai 49:26

I miaanin vanaa dɔw nɔm yɛɛvɛ-a visin ndan nda pilan ma de mun, a kolnin kooma ndan mi ma bii nda, mɛɛ mɔima yɛngian ma bii vana yɛ. O kon, vanndacieea yoomaa kpow sinanin maa ya co Mɛlɛka ni, vana nɔm ciindiaa, vana nɔm baŋaa, Vana Kpaaya Yakɔb-o pɛɛn.

Yeremi 51:57

I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Esai 51:21

Lelan, yaŋ nilan ɲɛkɛndɛi o sɔɛi he nɔm (Yerusalɛm) sangaa co hoo coo-o, hɔlla co nɔm hiŋndo, kɛ o co a mamɔi le!»

Esai 29:9

La voolu mì la dɔwnun kɔndɔfili! La kinda hɔltan mì la suma, la lo a sumɛiya lende! La yɔŋnun yingo-yingo, kɛ o va a mamɔi o hɔl te, la va boŋiboŋio kɛ, o va mɛɛ vana kol man taw yɛ le!

Yeremi 13:12

«Kɔ dimul nda aa: ‹O Mɛlɛka, Hala Israɛlla dimi-o co hoo ni aa: Le mɔiyan bɔlɔla yáwla vovaa mamɔilan la co ni.› Taa mulul nɔm pɛ aa: ‹Naa bɛɛ n sina ken maa le mɔiyan bɔlɔla yáwla vovaa mamɔilan la co ni,›

Yeremi 25:29

Kani o kobi co le ya-o coo ya co kandɔɔ dɛnɛ palaa tuisio ni. Vɛ̀ɛ̀ niaa niaa looku yɛnin hiɔlɔn? I biinin niaa maa vanaa tɛɛmbuu isɔɔ le-a le. Kɛ i veelunin mɔɛi cɔwve, mì i hinul vanndacieea o ceendo coo kpede.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.