Yeremi 13:11 - BII BILA

¹¹ Mí Mɛlɛka dimi aa: Kani mɛɛ vana yiinun yáwlen o can yɛ, lende yáà yiinun masalen Israɛl a len Yuda ni, haliko mi yáà ke nda tɔ́ɔ́ nuu, mì ndáà va vanaa nia, biilu nuu a naŋɔɔ nuu. Kɛ a yeŋ ya lani le few.»

Yeremi 13:11 Referans Kwoze

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Condii lisai 81:11

Ya co Mɛlɛka ni, Hala niaa pɛɛn, ya soli niaa o lɛŋnde Esipte len nin ni. La kumbi sondola niaalan kumbio pila, mì pei lan cá.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Yeremi 32:20

A tosa sindɛ dɛnnda kɔndɔfiltan a kaamaalan o lɛŋnde Esipte len nin. Háá hau, tɔ́ɔ́ nɔmndo co o bɔɔ Israɛlla a vanndacieea tɛɛn mɛɛ naa n co ndi cɔu sunsun yɛ.

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

Esai 62:12

A veelunin nda aa vanaa diandaa, vanaa Mɛlɛka baŋa-a, nɔm (Yerusalɛm) yɛ, a veelunin nɔm aa: ‹Kobi nda co nuwviaa-o. Kobi co o malnan too›».

Condii lisai 147:20

O cɔm ndɔ vanaa celen ɲɛ vaa lende lɔ́ɔ́-lɔ́ɔ̀ le, a sina tɔŋnda ndɔlan te. La lisa Mɛlɛka!

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Tɔŋ miingua 26:18

Mí Mɛlɛka dimi hau maa la vanin vanaa ndɔa, maa mɛɛ ndu pila dimul niaa ndi yɛ, maa la biinin tɔŋnda ndɔlan kpow,

Tɔŋ miingua 4:7

O vanaa-mangalaa-isɔɔa súúlan kpow tɛɛn, hali a co sɛ́lɛ́ bɛndoo-a, ɔ́ɔ̀ a halaa ndaa sɔɔnguu ikɛi kpɛɛlun nuaa mɛɛ Mɛlɛka Hala naa co naa ikɛi yɛ-a? Telen oo telen naa n piɛi ndu pɛ, o co naa ikɛi.

Luke 10:11

‹Cundu co o niaa lo ciee nanu-o bɛɛ, n co ndu koŋɔɔ mò faŋan naa o n'pelu. Nduyɛ, la sina maa Masale Hala len le sɔɔnguu niaa ikɛi.›

Yeremi 7:13

Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 13:1

Mí Mɛlɛka dimul-la nuaa aa: «Kɔ mà pendu yáwle kola keese len, mà yiinun nden o can, kɛ pɔɔla len o mɛnndan nin te.»

Yeremi 13:12

«Kɔ dimul nda aa: ‹O Mɛlɛka, Hala Israɛlla dimi-o co hoo ni aa: Le mɔiyan bɔlɔla yáwla vovaa mamɔilan la co ni.› Taa mulul nɔm pɛ aa: ‹Naa bɛɛ n sina ken maa le mɔiyan bɔlɔla yáwla vovaa mamɔilan la co ni,›

Amɔs 3:1

«Niaa cuavaa Israɛlla, la yaŋ nilan ɲɛkɛndɛi o sɔɛi he, sɔɛi Mɛlɛka dimi hee niaa coo-e, ì ó dimi hee yungula o soli Esipte lan kpede coo-e. Nuaa o dimi ni aa:

Tɔŋ miingua 26:19

haliko mo siinguu niaa vanaa bɛndua o vanaa-mangalaa-isɔɔa o cɔw-va kpow tɛɛn, mì la sɔla biiloo, diolan a bɛɛlen, mì la va yungu diandaa le Mɛlɛka Hala niaa maa mɛɛ ndu pila dimul niaa yɛ.»

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»