Yeremi 12:6 - BII BILA

⁶ Kani hali vanayan nɔmndon, hali a niaa co yungu pilɔɔ-a co nɔm huiyo. A co vannda kɛsio kundalan le nɔm cumullo, a co sina le. Lelan a va bɛɛ nɔm sɔɔn kɛndɔn dimullo, laalan nda le.»

Yeremi 12:6 Referans Kwoze

Talelan 26:25

Vana vaa lende soo bɛɛ sɔɔn kɛndɔn, laalan ndu le. Kani kɔl ndɔɔ co o piaa cá a sɔɔn vɔɔnndon.

Yeremi 9:4

Vana-vana co caan ndɔ kafalan tosallo, vana-vana dimi toɲa le. Caa pila nda caa còòlan dimio ni, o kon nda co kɛɔ le muungoo ya o ibuŋ ni.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Yeremi 11:21

Lelan ɲɛ Mɛlɛka dimi a vannda Anatɔt o kɔɔ-o co hoo ni, a yeema le ya Yeremi diyɔɔ-a, nda dimi ni aa: «Tɛɛngul naa isɔɔ o diola Mɛlɛka lan te, yɔŋii naa n dii nɔm.»

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Condii lisai 69:8

Kani le nɔm ya co yeowlan biuvɔnndo ni, le nɔm siɛmbulan la kuumbun ya o hɔl ni.

SƐBƐ YƆB-O 6:15

Puapilɛa niaa hui ya maa mɛmma pee pɔmbɔ, a hui ya mɛɛ mɛmma pee pɔmbɔan ma vela mì ma mɛi pee kɔ́llo o vɛsɛi nuaa yɛ.

Nsaŋ 7:5

Kani hali pɔmbɔa ndɔa ndáà laalan ndu le.

Marke 12:12

Simlacia Yuifia va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́. Kani má bii bila maa le nda Yeesu ndóò dimi tale kon ni. Má faŋan ndu kɔɔli, má kɔannun.

Esai 31:4

Kani nuaa Mɛlɛka dimul-la ni aa: «Te yàlà piaandoo te kon te yàlà téndóó bii pɛ ɲɔɔ, hali vanaa mandaa n'cɔlua kpow cuungian bɛɛ le ndu ɲɛ kon hiɔlɔɔ o ba, siòòŋii bii ndu a vɔkɔ-vɔkɔ ndaa le, kɔl hiilun ndu a sɛ́lɛ́ nda bɛndoo le, kɛ pɛɛliaa o pɛɛliaa ni le kungulanndo o ɲɛ kon coo. Lende koni Mɛlɛka-Nɔ-Kpaayaa-Kpow-vo toalnin le cɔwvo tosaa o pembei Siɔn coo ni, pembii ndɔɛi pɛɛn.

Dɛnnda kiilaa 16:22

O kon mí sɛ́lɔ́ɔ́ bɛɛ simul nda. Mí simlacia lelɛŋnda a dimul vannda le nda domalan solio lekɔɔ, má viam nda, má lɔaa nda a siondei.

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Yeremi 9:5

Dɛnnda vɔɔnndan tuŋ nda co hiyanndo tosaa ni, còòlan keiyo dimio má hiaw, a kɛɛ le ya Mɛlɛka sinaa pɛ!» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Condii lisai 12:3

Còngùlan kínɛí la co nin vannda tɛɛn ni, sɔɔn sondo yeelɛiyon a sɔɔn muluanndon nda co nin dimulanndo ni.

Talelan 23:8

A kuisinin ɲɛ n de-o, o kon, sɔɔn kɛndɛn n dimi-on solinin nɔm kpeku le.

Yeremi 9:3

Vana-vana bɛnda mò mandan a puapilɛ ndɔɔ, vana-vana co caan ndɔ toɲa dimul te, kani vana-vana co kafalan tosaa a vanndo pilɔɔ, vana-vana dimi sɔɛi kɛndɛ a caan ndɔ le.