Yeremi 12:3 - BII BILA

³ Ya yɛ, a sina ya, nɔm Mɛlɛka, a co ya cɔu, a co kɔl nuu mɛɛndianndo. Manda vanaa vɔɔnda mɛɛ vana manda saa le nda hunɔɔ diyɔɔ nuaa yɛ, manda nda le paale diyaalen.

Yeremi 12:3 Referans Kwoze

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

Condii lisai 17:3

Yaasiaa bɛɛ kɔl nuu icɔl, mà soli ndu kɔlɔ, tosa bɛɛ fulakɔɔlio le ya kɔlɔɔ sinaa, a seelunnin ɲɛ-ɲɛ vɔɔn te. Kani ɲɛ ya yiyanndo híw sondo nuu coo le.

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Condii lisai 139:23

Dɔw ya taasi Hala, mà sina yiyan co ya o kɔl-lo. Tosa fula kɔɔlio, mà sina buulannda co ya o kɔl-tan.

Condii lisai 26:1

Condii David-e. Kiolu ya iyama, Mɛlɛka! Kani kela nuu nɔ isɔw le. Nɔm Mɛlɛka ya co tiindanndo ni, i siɛlanin te.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Yeremi 51:4

Vanaa yɔŋulunnin-nda vanin a deliaa o lɛŋnde Babilɔn-nden nin, vanvílɛ́yaa cɔwva hinin lɛ́ɛ́siɛn o nɛilan coo.

Yeremi 48:15

Moab cuu itambu kpede, vannda co helɔɔ le kobila ndɔlan delɔɔ coo. A co kɔlan a langbaa felengia ndaa le nda diyɔɔ. Sɔɛi fula Masa bɛndu nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa:

Yeremi 20:12

Nɔm Mɛlɛka-Nɔ-Kpaayaa-Kpow-vo, a sinà vana sandu a nɔm-ndo. A sinà yeemɛi nɛi a yiyannda naalan. Nɔm ya dimul le ya kandaa ni, i canin mɛɛ n solinin ya mɔnɛi yɛ.

Condii lisai 11:5

Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

Condii lisai 7:9

Nɔm Mɛlɛka kialu yamɛi vannda súúlan kpow ni. Kiolu yamɛi toɲɛi mɛɛ dɛnɛ ni sandaa a kela ni kɛndɔɔ co yɛ.

SƐBƐ YƆB-O 23:10

Kɛ nduyɛ, o sina nɛi ya co coo-o, o fula pɛ ya kɔɔli mò tɔɔndan ya, i vannunnin o diandaa few maa isiani.

1Dɛnnda lemasalan 29:17

Éé Hala nuu! I sina maa o kɔltan nin di n tofa vana ni, a yeema vɛlɛ dɛnɛ sandaa. Nduyɛ, a kɔl ni sandaa ya yɔngu nɔm ɲɛm-kéan mun kpow ni. I co nihau cɔu mɛɛ vanaa nɔmaa co haa nanu-a co nɔm ɲɛm-kéan yɔngoo a ɲaaloo yɛ.

2Piɛr 2:12

Kɛ vanaa kan a co dɛnndan tosaa vana ca ko aa visia ni, o co a kɔlkalu le. Maa visia yondo nda co ni, a nda koam, mà bii, mà dii-a. O nda sínà loo nda co yeowlan ni, nda bɛɛ a tambunin maa n'cɔlu.

Yeremi 15:15

Kɛ nɔm Mɛlɛka, a sina dɛnndan kpow. Yiyan ya coo, mà tosal-la kɛndɛi. Mingul vanaa co ya saangiaa-a maa, lo biuvɔnndo a nda mì dɛnɛ pala ya le. Sina pɛngu maa le nɔm ya co yeowlan biuvɔnndo ni.

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.