Yeremi 12:16 - BII BILA

¹⁶ Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Yeremi 12:16 Referans Kwoze

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Yosue 23:7

La mɔ́sɔŋàn a vanaa-mangalaa-isɔaa lo vɔ kan icali niaa tɛɛn-nda le. La pial diola halaa ndaa le, la mɛnan o diola ndalan te, la sooluu nda le, la baŋ vulan nda o labɛngunin te.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Esai 65:16

Vana yeema pɛ le duaa dɔwnɔnndo o lɛŋnden nin, o bɛnda mò sɔla duaa kon Hala toɲaa o ba. Vana yeema pɛ le mɛnanndo o lɛŋnden nin, ndu bɛnda mò mɛnan o diola Hala lo o lediom coo-o. Kani sangala imɔnɔla paandulan la hiawnin, sangala lan la faŋannin ya o hɔl.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 45:23

I mɛnan a ya pila, toɲaa co fulaa ya o sondo, nduyɛ sɔɛi fula ya o sondo-e i sandu, sɔɛi ken i feŋan lecoo le: vulan kpow la baŋnunnin ya o labɛngunin, diɛɛmuei kpede i mɛnannin o diola nilan.

1Korɛntea 3:9

Kani vanaa co baalaa latulu a Hala-a naa n co ni. Niaa co ciɛi ndɔɛi ni.

Rɔmnda 14:11

Kani o co sɛvaa maa Mɛlɛka dimi aa: «I co yoomu, ya Mɛlɛka, vulan kpow la baŋnunnin ya o labɛngunin, mì lediɛɛmu oo lediɛɛmu le biilu Hala.»

Condii kɛndɛ-kɛndɛi 1:8

«Òó nɔm vanalanɔ hiow vanlaandua naŋɔɔ-o, diom foofola bɛngula saa, mà yɛɛ cuinaa téndéa nɔmnda diólan o kùùla vanaa mandaa n'cɔlua ikɛi.

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Ruti 3:13

Siow niko paalen sel nanu. Te ɲɔɔ tenga pɛ, mì langbanɔ kon yeema le nɔm lòó, a cal sumialii ndɔ. Kɛ te o nɔ yɛ kɔl le nɔm lòò le, te Mɛlɛka co yoomu, i loonin nɔm.»

Esai 42:6

«Ya Mɛlɛka, i veelu nɔm o dɛnɛ sandaa nin, i saanin nɔm baa mì kanda nɔm. I kɛsinin nɔm le kpema ya yii a vannda ha-o vaa hɔlten, le vaa ɲɛ-tengaa vanaa-mangalaa-isɔɔa,

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Yeremi 6:16

O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 18:8

Kɛ te lɛŋnde ya dimi len sɔɛi ndɔɛi len le mal pɛ dɛnɛ vɔɔn vem ya len kɔngɔlanndo-o, i mal sɔɛi yáà kɔngɔlan le len tosallo-e.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Esai 2:3

Vannda súúlan taw a kɔanin ndon taw-taw mà dimi aa: «La hun mì n helnun o pembii Mɛlɛka-e coo! N helnun o Cɛi-Hala Yakɔb-o nin haliko mo pɛɛku naa nɛila ndɔlan, mì n kela o nɛila o cɔmnin naa lan coo. Kani Siɔn tɔŋndo fulanin ni, Yerusalɛm sɔɛi Mɛlɛka-e fulanin ni.