Yeremi 12:15 - BII BILA

¹⁵ O kon kɔɔli, ɲííye biinin ya vɛlɛ a nda, mì mingi nda, vana-vana o kɛ́ ndɔ coo, vana-vana o lɛŋnde ndɔ nin.

Yeremi 12:15 Referans Kwoze

Yeremi 49:6

Kɛ o kon kɔɔli, i minginin Amɔnnda maa paandu.› Sɔɛi fula ya Mɛlɛka o sondo-e co ken ni.

Yeremi 48:47

Kɛ paale vanin mì mingi Moab maa paandu.» Sɔɛi Mɛlɛka dimi a Moabua o kɔɔ-e co ken ni.

Yeremi 49:39

«Kɛ paale vanin, mì mingi Elam maa paandu.» Sɔɛi fula Mɛlɛka o sondo-e co ken ni.

Amɔs 9:14

I minginin vanaa nia vanin o biyɔɔ nin-nda o nda lo, cuavaa Israɛlla pɛɛn. À minginin kobila piɔl tan tangul, mà cal lenin. À tɔalnin rɛsɛnndon, mà kol mɔima ndɔan. À tɔalnin nakɔlan, mà de kɔmnde nakɔla lan.

Tɔŋ miingua 30:3

Mɛlɛka Hala niaa tuinunnin niaa iɲíí. O solinin niaa nɛɛ niaa vanin a sɛŋiannda o cɛlen nin vanaa-mangalaa-isɔɔa tɛɛn-nda, mò mingi niaa o niaa lo.

Tɔŋ miingua 3:20

La co lo cɔwvo háá mì Mɛlɛka Hala niaa yɔngu puapilɛa niaa calta pɛngiaalan maa mɛɛ o yɔngu niaa yɛ, háá mì nda bɛɛ sɔla lɛŋnde Mɛlɛka yɔngu nda kɛ́ɔ Yurdɛn leeloo len. O kon kɔɔli, vana-vana nɔla niko mò muungu o lɛŋnde ya yɔngu ndu len nin.›

Kundalan 32:18

Fɔ mì Israɛlla kpow, vana-vana sɔla kɛ́ ndɔɔ a nɛɛ ndɔa calaa malan naa n muungu o calta naalan.

Dɛnnda kiilaa 15:16

‹O kon kɔɔli, i hunnin vɛlɛ mì mingi cɛi David del-lo toosiaa, i minginin ndu tangul, mì mingi ndu simi.

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Daniɛl 11:4

Kɛ telen o calnin ɲɛkɛndɛi o masale ndɔlen coo-o, masale ndɔle len le tambunin mì le piɔwnun o kpengun hiɔɔlun lelɛŋndon coo. Cuavaa ndɔa imamaa loonin masalen te. Le tosan ndɛnin a kpaaya bɛndoo maa paandu le, kani le vanin le piɔvaalen vanaa celen o ba.

Yeremi 16:15

Kɛ aa: ‹Le Mɛlɛka yoomaa, o soli Israɛlla o lɛŋnde co a ba luaŋ-ndo len nin a o lɛŋii tɔ̀ɛi ndóò tow nda nin-nde nin-ndo!› Kani i co nda mingi o lɛŋnde ndale yáà yɔngu fuɲaa ndaa mamaa len nin.»