Biblia Todo Logo
Bib sou entènèt

- Piblisite -




Yeremi 12:14 - BII BILA

14 Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Gade chapit la Kopi




Yeremi 12:14
34 Referans Kwoze  

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.


O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»


Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?


Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.


Éé Mɛlɛka Hala naa, ciindiaa naa, soli naa vanaa-mangalaa-isɔɔa tɛɛn, mà cuungiaa naa nɛɛ pilɛ, haliko mi n sangala diola nɔmnda diandaa lan, mì n biilu nɔm, mì n sangala nɔm.


Mɛlɛka Hala niaa tuinunnin niaa iɲíí. O solinin niaa nɛɛ niaa vanin a sɛŋiannda o cɛlen nin vanaa-mangalaa-isɔɔa tɛɛn-nda, mò mingi niaa o niaa lo.


Kɛ i tuulu kɔl taw a vanaa-mangalaa-isɔɔa cennun nda pila ɲɛ-a. Kani ɲɛ-pɔmbɔ koni yáà tuulu kɔl ni, kɛ nda nda, má hun cɔɔlu dɛnɛ palaa vanaa nia handɔɔ lecoo.


Mà dimul nda aa nuaa Maalii Hala dimi ni aa: «La tofa vɔ ya! I co cuavaa Israɛlla cua vanaa-mangalaa-isɔɔa nda kɔɛ tɛɛn-nda tɛɛn, mì soli nda ba-ba fee, mì mɔɔsiaa nda, mì mingi nda o lɛŋnde ndalen nin.


I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.


Tuei-yɔ diom Maalii Hala dimi-o aa: «Lɔ́ɔ́ ya solinin cuavaa Israɛlla nɛɛ nda co a sɛŋiannda vanaa súúla celennda tɛɛn, mì mɔɔsiaa nda nɛɛ pilɛ-o, i cɔmnin diondɔɔ nuu vanaa-mangalaa-isɔɔa o hɔl a nda o kɔɔ. O kon, a calnin o lɛŋnde ndalen nin, lɛŋnde ya yɔngu sindɛ vana baalaa nuu len, Yakɔb pɛɛn.


Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!


I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.


«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»


Mɛɛ Mɛlɛka ndóò naŋ kɔl le niaa dɛnɛ kɛndɔɔ tosallo a le niaa vangalaa yɛ, o naŋnin vɛlɛ kɔl lende le niaa yɛɛvɔɔ dɔvɔɔ a le niaa ciiyo diwvo. O kon, o faŋanin niaa o lɛŋnde niaa co kɔlan hiɔlɔɔ len coo.


Kɛ paale vanin mì mingi Moab maa paandu.» Sɔɛi Mɛlɛka dimi a Moabua o kɔɔ-e co ken ni.


Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»


i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.


A calnunnin ndon nila ɲulu, a tangulnin cɛilan mà soli nakɔla n'rɛsɛnndan. Telen ya kialunin yaman vanaa balu nda, mà va nda pɛɛsaa kpow-va o, a calnin nila ɲulu o lɛŋnden nden nin. O kon a sinanin maa ya co Mɛlɛka ni, Hala ndaa pɛɛn.»


Lende ni, Maalii Hala soo, mó dimi aa: «I kɔngɔlan vanaa-mangalaa-isɔaa balu lon-nda a yinnde paŋalaale nilen, kɛ taama-taama lɛŋnde Edɔm-nden kpede, kani o kɔl nda kɛndɔɔ nin a o tɛɛndan co nda o kɔl-lo nin, mí nda pila kennun lɛŋnde nilen, má poonda nɛɛ nda yaa cɔlua diólan-nda.


Swiv nou:

Piblisite


Piblisite