Yeremi 12:12 - BII BILA

¹² Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 12:12 Referans Kwoze

Amɔs 9:4

Taa kɔɛ pɛ o biyɔɔ nin o lɛŋnde celen nin yaamɔaa ndaa o hɔl, lon bɛɛ i tosanin mì mɔɛi cɔwve diw nda. I tofanin nda, kɛ o venin le nda dɛnɛ kɛndɛ tosal te, fɔ le nda dɛnɛ palaa tuisio coo.»

Yeremi 47:6

La diminin aa: ‹Éé nɔm mɔɛi cɔvii Mɛlɛka-e, vɛ̀ɛ̀ o ve nihau nuaa le? Muungu o boo nɔmndo nin, cal yili, kpeŋan lɛhau le ɲɛ-ɲɛ tosa le dɛ.›

Esekiɛl 14:17

Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,

Esai 34:6

Mɔɛi cɔvii Mɛlɛka-e co i lɔngɔlannde a koovan, i co i lindan lingili a cuɛima n'visian, i co i lindaa a kooma saa téndéa a ma cuinaa toovia, i lɔngɔlian a cuɛima vongama saa kóndóa. Kani cɔlua sálàá co Bɔsra le sálà Mɛlɛka-o solio, vannda co o lɛŋnde Edɔm-nden nin taw le nda diwvo.

Dɛnnda cɔɔmuanndan 6:4

O kon mí so celen fula, kɔɔlen le va ndu le siaŋa maa leyin. Mí dio kennun vana va lecoo-o le kɔlɲuloo faŋaa o lɛŋnden coo, haliko mi vanndacieea diuvan vellaa-velle, o kon mí mɔɛi cɔvii bɛnduei pum kennun ndu.

Sofoni 2:12

«Niaa vanaa co Kus-a bɛɛ, mɔɛi nii cɔwve co niaa buuluu.

Esekiɛl 5:2

Te palɛi n bɛnda le tosaa o kobio tilaa nin-nde cuu pɛ, a cua yiiŋii ken kundaa o pilɛ o kundalan layàá coo, a lom ndi o yinnde biyaalen nin o kobio tɛɛn. O kon kɔɔli, a cua yiiŋii kunda diinndɔɛi o layàá coo, a balu kobio pindo a ndi kilio a mɔɛi cɔwve. A cii pɛ, a cua niko kunda mɛɛlaa iyiin kon, a saŋ ndu o hoeiye nin. Ya yɛ, i tisanin ndi kɔɔli a mɔɛi cɔwve.

Yeremi 48:2

Ɲɛ va Moabua hɔlla heeloo-o cuu. Vannda tuu sɔɔn kɔlvesɛiyon le kobio Hɛsbɔn, má va dimio aa: ‹N kɔnnun mì n kɔ ɲumi kobi kon vanaa-mangalaa-isɔɔ tɛɛn!› Nɔm kobio Madmɛn bɛɛ, a tambunin, kani cɔwvo co nɔm kɔɔli.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Esai 57:21

Hala nuu dimi aa: «Kɔlɲulu co le vanaa kɔlvesɛiya le».

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Tɔŋ miingua 32:42

Mɔɛi nii cɔwve sɛɛsiaanin dialun ndan, i lɔngɔliaanin kɔɔn nun o kooma ndan nin. I cuuŋuunin kooma bolii simlacia yaamɔaa nia, kooma vanaa yɔŋulunnin-nda a kooma vanaa vanin o biyɔɔ nin-nda.

Yeremi 3:21

Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 16:5

O Mɛlɛka dimul-la vɛlɛ-o co hoo ni aa: «Luɛi o cɛi biisio nin te, kɔa o biisi le, toolu vana-vana le biisi le, kani i cii canyɛi, kɛndɛi a kaola va naa tɛɛn naa vannda ha-o tɛɛmbuu.

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Yeremi 30:5

O Mɛlɛka dimi-o co hoo ni aa: «N co ivóólun-vóólunnde tueyɔɔ. Siòònde ni, o co dɛnɛ kɔlɲulu le.

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Cɛɛŋɔnnda Yeremi lan 3:17

O faŋa kɔlɲuloo ya ikɛi few-few, mí pɔɛɛnun ɲɛ co dɛnɛ kɛndɔɔ-o.

Esekiɛl 21:4

O kon, ɲɛ-ɲɛ yoomaa canin maa ya Mɛlɛka, ya mɛndul yinnde len ni, maa le ɲumnin te.›

Esekiɛl 21:28

Vanaa co icali Yerusalɛm lon-nda co ko yiyanndo maa còòlan sɔɔn mun co ni, maa n tosannin te. Kani vannda cuel nda ciɛ́ɔn má mɛnalan nda. Kɛ masaa Babilɔn ndu yiyalan nda haki ndaa, lelan nda sɔlanin biyɔɔ ni.

Yeremi 8:15

Kɔlɲuloo naa n va kɔl ni, kɛ dɛnɛ kɛndɛ kɛ́-kɛ̀ co naa komal te. Siongɔɔ naa n yeema ni, kɛ dɛnɛ palaa sii co hiyanndo ni!

Esekiɛl 21:8

Má dimul lɛŋnde Israɛl-ten aa: ‹Tofa vɔ, i co nɔm cɔlɔba, i solinin mɔɛi cɔvii nii o boo ndɔɔ nin, mì diw vanaa sandaa a vanaa kɔlvesɛyaa co o nɔm nin-nda.

Esekiɛl 21:9

Kani i yeema mi faaŋiaa vanaa sandaa a vanaa kɔlvesɛiya nɔm nin. Lelan mɔɛi nii cɔwve fulanin o boo ndɔɔ nin ni le ɲɛ-ɲɛ yoomaa lɔwviaa, kandɔɔ a ba too háá a ba luaŋ-ndo.