Yeremi 12:11 - BII BILA

¹¹ A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Yeremi 12:11 Referans Kwoze

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 6:8

Yerusalɛm, bii silaa yɔŋii ya faŋan nɔm kɔɔli, mì dɔw lɛŋnde nɔmnden yɛɛvɛ, vana ve lɛnin ndon te.»

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Vana Kɔlkaloo 7:2

O co fisa mì vana kɔɛ o cɛi biisio co-o nin, a kɔlan o cɛi ɲɛdiaa kafoo co nin-ndo nin. Kani piɔ́mndo co mɛɛlula vanaciee oo vanaciee ni, vanndacieaa yoomaa kpow a bɛnda ma yiyan a ken.

Rɔmnda 8:22

Nduyɛ n sinà maa háá sisa, ɲɛ-ɲɛ Hala cɔw co somisominndo a sangaa maa vanalanɔ pulei biŋin-ndo.

Tɔŋ lasálàá 26:32

Ya pila tɛɛmbuunin lɛŋnde niaalen, háá mì yaamɔaa niaa hun calnin lenin-nda dɔwnun kɔndɔfili taw.

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Yeremi 9:9

I yeema mi caŋ, mi cɛɛŋun o pembon coo, mi soli condii biisiei o dɛngbɛla vesɛila co o lɛŋnden nin-ndan coo, kani la ŋɔɛ, vana-vana co lɛ kei lon te, vana tui lɛ cɔlua kundaa diom lon te. Yowva coocoo a visia yondoa piow lon few-few.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»