Yeremi 11:23 - BII BILA

²³ Vɔsi ya cannin le vannda Anatɔt dɛnɛ palaa tuisio coo-o, vana-vana helunnin o nda tɛɛn te.»

Yeremi 11:23 Referans Kwoze

Yeremi 23:12

«Lelan nɛi ndaa culukunin ni. A kuindiannin o ɲumndan nin mà deli. Vɔsi ya mululunnin nda-o, i co nda dɛnɛ palaa tuisi coo.» Sɔɛi fula Mɛlɛka o sondo-e co ken ni.

Luke 19:44

À co kobi niaa tɛɛmbuu a vana-vana co lenin, hali powvo pilɛ a mɛinin o pow celen coo le, kani la sina tuma Hala hin o niaa lo le niaa malaa-o le.»

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Yeremi 48:44

«Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Yeremi 11:19

Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 6:9

Mɛlɛka-Nɔ-Kpaayaa-Kpow-vo dimi aa: «Israɛlaa tɔ̀a cɔwviannin mɛɛ vana cɔwviaa rɛsɛnndon nuaa yɛ, mà cɔɔlu balan keela mɛɛ vana kiandaa n'rɛsɛnndo keela balan o lɛvon yɛ.»

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Abdia 1:18

Yungu Yakɔb-o siŋnunnin maa leyin, mì yungu Yosɛf-o siŋnun maa yinnde biyaa. Kɛ mì yungu Esau-vo ndu siŋnun maa tɛw, mì yinnden le lom nda kpúlúká. Vana pilɛ bɛɛ helunnin te. Ya Mɛlɛka dimi lende ni.»