Yeremi 11:21 - BII BILA

²¹ Lelan ɲɛ Mɛlɛka dimi a vannda Anatɔt o kɔɔ-o co hoo ni, a yeema le ya Yeremi diyɔɔ-a, nda dimi ni aa: «Tɛɛngul naa isɔɔ o diola Mɛlɛka lan te, yɔŋii naa n dii nɔm.»

Yeremi 11:21 Referans Kwoze

Amɔs 2:12

Kɛ mí la koesi vanaa solin kan nda pila sálà-a mɔiyan, mí la kuuna vanaa-tɛɛngaa-diom Hala-a kan le diom Hala-o tɛɛnguuo.

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Luke 4:24

Mó dimul nda vɛlɛ aa: «I co niaa toɲaa dimul, vana-tɛɛngaa-diom Hala kɛ́-kɛ̀ sɔla biiloo o lɛŋnde ndɔlen nin te.

Matie 22:6

Mí vanaa tɔ̀a bii buɛyaa kan, má saangiaa nda, má diw nda.

Matie 21:35

Kɛ mí vanaa tósà baalaa o nakɔ n'rɛsɛnndo nin-nda bii buɛyaa ndɔa kan, má lɔaa o pilɛ, má dii o pilɔɔ, má vii o yàándɔɔ a powtan.

Matie 10:21

Vanndo lɔalunin puapilɛ ndɔɔ le ndu diyɔɔ, mì fuɲaa lɔlu po ndɔɔ. Cuawva simulnin vanaa velu nda-a mà tosa mì vanaa velu nda kan-nda sɔla piɔ́mndo.

Misee 7:6

Kani po vialaa co fuɲaa bɛɛlan tɛɛmbuuo, cuaambɔ laandoo co kala ndɔ simullo, lanɔɔ poo co kala-lɛɛ ndɔ ciŋilanndo. Yaamɔɔ vana-vana fulanin o yungu vana kon pila nin.»

Yeremi 26:8

Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

Yeremi 1:1

Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Yeremi 32:7

‹Hananeɛl po Salum bom nɔm-ndo co hunɔɔ o nɔm ndo, mó dimul nɔm maa nɔm piondu yondo ni co Anatɔt-o, kani nɔm nɔ dí le ndu piondɔɔ mo va le nɔm ni.›»

Yeremi 34:20

I malnin nda yaamɔaa ndaa o ba, vanaa yeema le nda diyɔɔ-a pɛɛn! Mì vanvílɛ́yaa ndaa siŋnun balo yowva coocoo a visia o lɛŋnden coo.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.