Yeremi 11:19 - BII BILA

¹⁹ Ya i va mavaa nda o ba maa saa téndé co kɔlan a ba ndɔ le ndu kɔlan diyɔɔ-o, i ve yiyannda vɔɔnnda ndáà nɔ o kɔl a ya lan sina le, a va dimio aa: «N kioŋnun yɔmndo telen o co o lende-o. N sungun ndu mò fula vanaa yoomaa tɛɛn, vannda yiyan ndɛ a diola ndɔlan o kɔɔ le.»

Yeremi 11:19 Referans Kwoze

Yeremi 20:10

I co vannda taw tueyɔɔ tuula vɔɔnndan le ya. Nuaa nda co ya veeloo ni aa: ‹Siòònde tiw sɔ́›. A pum a co ya vɛlɛ diolan keo aa: «Cɔɔmuu ndu! N kɔ lɔlun ndu!» Vanaa va caaŋaa nia-a kpow a muungu ya mɛngɛlaa le tɛɛmbuu hali ɲɛ-pɔmbɔ cɔu. A co dimio aa: «Bɔɔle o co pɔɛɛnɔn a ndu pila, o kon mì n tiw ndu ba, mì n mingul ndu màá náà»!

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Condii lisai 83:4

A co tuula vɔɔnndan le vanaa nɔmnda ciŋilanndo, má va vanaa n nɔ baa coo-a dúmbóó yiiyo.

Condii lisai 31:13

A pɔɛɛnun ya o yiyannda ndalan nin mɛɛ vana pɔɛɛnun sɔɛi vana vílɛ́iyo yɛ, i siŋnun ɲɛ vana nɔ lɛ mako loo.

SƐBƐ YƆB-O 28:13

Vanacieo sina lɔ́ɔ́-lɔ́ɔ̀ vɔngu kɔlkaloo le, kɔlkaloo nɔ calta ndɔ o lɛŋnden coo vanndacieea tɛɛn te.

Condii lisai 27:13

Kɛ i laalan maa i canin vanakɛndɛyɛi Mɛlɛka-e o lɛŋnde vanaa yoomaa coo.

Kundalan 1:14

o polale Kad len coo, Eliasaf, po Deuɛl-lo,

Esai 38:11

I va dimio aa: I ci lɛnin Mɛlɛka o lɛŋnde vanaa kiyɛiya coo le! Hali vanacieo ndu pilɛ i ci lɛnin ndu o vanaa co icali o ceendo coo-a tɛɛn te!

Esai 32:7

Vana huiya n'vanndo ndu, dɛnnda ndɔlan yɔŋ vɔɔndo tuŋ. Tuula vɔɔnndan kínɛí o tuu o kɔl ndɔɔ nin ni, le vanaa ikɔɔa mɔnɛi lueiyo a sɔɔn lacòòvan, hali vana bala fondo kon nɔ bɛɛ dio o sɔɛi ken nin.

Talelan 10:7

Ɲɔɔ hɛnan vana le loonɔnndo a vana dɛnɛ sandaa ni, kɛ vana vɔɔndo ndu, diola ndɔlan la nɛi fula vannda o kɔl te.

Talelan 7:22

Mí poombɔɔ kandu dɔ́ɔ́ kɔlan ndu kɔɔli maa naw nda co kɔlan o fonda diyaa n'cɔloo-o, maa vana seemɛi nda yii o kpɛɔ le ndu soŋɔ̀ɔ́-o,

Condii lisai 116:9

Lelan mɛɛ mì kela ndu o hɔl o lɛŋnde ɲaa yoomaa co coo len coo.

Condii lisai 109:13

Màá polale ndɔlen le cuu, mì diola ndɔlan la ɲum le fɛɛn a fɛɛn!

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Condii lisai 142:5

Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

Condii lisai 112:6

Vana bii pɛ sɔɛi Hala-e, ndu delnin lɔ́ɔ́-lɔ́ɔ̀ le, vannda vanin loonɔnndo a ndu o kɔɔ lɔ́ɔ́-lɔ́ɔ̀.

Condii lisai 52:5

Dɛnɛ vɔɔndo hiow nɔm hɛnan a dɛnɛ kɛndɔɔ, kafalan la hiow nɔm hɛnan a toɲaa.

Condii lisai 35:15

Kɛ dɛnɛ palaa tol pɛ ya coo, nda yiinan a dɔwnun ɲaale. A co yiinanndo le ya ciŋilanndo, a le ya lɔɔ, kɛ ya i co bɛɛ ndi sina le. A co ya sɔmndo a sondo tuŋ.

Yeremi 26:8

Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

Cɛɛŋɔnnda Yeremi lan 3:60

Nɔm pila ce mɛɛ ndáà soli mɔnɛ a ya yɛ, má ca dúmbú ndáà yii ya-o kpow.

Esekiɛl 32:24

Masa va Elam-ndo co ihini a vanaa ndɔa cɔwva a balaa sɛi ndɔɔ pindo. Nda kpede lɔwviaa nda lɔwviaa nda ni. Mɔɛi cɔwve cɛɛluu nda ni, nda vanaa dii haa toomaa le-a. Tofa vɔ mɛɛ nda tol o puuloo bɛngu lɛŋ di-di yɛ, nda va vannda siòònde lueiyo o lɛŋnde vanndacieea yoomaa coo ni. Siɛmbula ndalan la tol nda, nda vanaa co tolɔɔ o sɛilan nin-nda latulu.

Talelan 24:15

Nɔm vana kɔlvesɛiyo sei! Miingul cɛi vana sandaa yaŋɔɔlen te, tɛɛmbuu calta ndɔlan te.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Osee 9:8

Kɛ kpalilnɔ co mɛɛndanndo le cuavaa-imamaa Efraim-nda-o, vana-tɛɛngaa-diom Hala-o pɛɛn, o co nda Hala nuu latulu. Nɛɛ-nɛɛ o kɔɛ pɛ, a co ndu yaŋɔɔlan hendullo, a co ndu ciŋilanndo háá o Cɛi-Hala ndɔɔ nin.