Yeremi 11:16 - BII BILA

¹⁶ Diola ya Mɛlɛka yáà ke ndu lan la va lan ni aa: ‹Oliviee puiyaa kulun kɛndɛ bɛndoo.› Kɛ mí mal yinnden o bɔɔ ndɔ yukɔn-ndo nin, o diom bɛndu-bɛndoo nin, mí le loam lɛɛndun ndɔn kpede.»

Yeremi 11:16 Referans Kwoze

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Condii lisai 52:8

Vanaa sandaa canin dɛnɛ kon, mà siòònde bii nda. À mamnin nɔm aa:

Condii lisai 80:16

Kanda ɲɛ nɔm pila tɔl-lo, poaa nɔm pila suili-a pɛɛn.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Matie 3:10

Cuei cuu nin cɛɛŋa le puundun yɔmnde kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.

Yeremi 21:14

Sɔɛi fula Mɛlɛka o sondo-e co hee ni aa: «I simulnin niaa mɛɛ dɛnnda niaalan la co yɛ, mì mal bundɛla niaalan yin, mì yinnden le lom bundɛla lan balɔɔ sɔ́.»

Condii lisai 83:2

Éé Hala, lo meiyo ho nuaa le! Kɛɛ le sondoo vowvo o sɔɛi he nin te, káfàlà balan a dɛnɔɔ ho le, yandi Hala!

Dɛnnda cɔɔmuanndan 11:4

Nda co oliviee ŋiinde a ɲɛla-kɛsiaa-lafitinala tiɔnnda co lakɛsiaa Mɛlɛka nɔ lɛŋnden o ba-o o hɔl-tan ni.

Tɔŋ miingua 28:40

La nɔnin nakɔla olivieelan o lɛŋnde niaalen kpow coo, kɛ la sɔlanin macuɛi le suunɔnndo le. Kani olivien niaan koaman diwnin te mi n cɛɛlun.

SƐBƐ YƆB-O 8:16

Vanaa kan a co macoaa maa yɔm co o paalen bɛngu kɛ mí tándoo vannun o piaa lenin ca-o, ò lɛvun ndɔn pɛngɛlan o nakɔɔ coo-o,

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Osee 14:6

I vanin maa mɔ́m le Israɛlla, a yandunin maa bil cun kɛndɛ. À lueinin puundun ndan lɛŋ maa yɔmii sɛɛdrei Liban.

Condii lisai 80:17

Vannda lom rɛsɛn tumndo ho, má kialu ndu. Kɛ a vueenunnin-nda a hɔlaa nɔmnda mà cuu ɲum pɔ́lì.

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?