Yeremi 11:14 - BII BILA

¹⁴ Lelan nɔm Yeremi, piɛi le vannda ha le, hali mà solul-la diom le ya tɛɛlɔn, te kon te le ya ɲɔɔlu le nda le. Kani telen nda vanin o dɛnɛ palaa nin-ndo, a veelunin ya le nda malaa, kɛ i yeŋnunnin nda le.»

Yeremi 11:14 Referans Kwoze

Yeremi 7:16

«Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

Yeremi 11:11

Lelan o Mɛlɛka dimi-o co hoo ni aa: ‹I co nda dɛnɛ palaa tuisi coo, a nɔlanin fulaa lebɛngu le. A mɛlinin yeelan o ya lo, kɛ i yeŋnin nda lani le.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Yeremi 14:11

Mí Mɛlɛka dimul-la aa: «Tɛɛlun ya o lepiɛi nin le vannda le.

Fulaa 32:10

Lelan, mal-la mì tuisi nda kɔl ni tuwvo coo, mì diw nda kpow. Kɛ nɔm, i solinin vanaa-mangalaa-isɔɔa sɛ́lɛ́ bɛndoo taw nɔm o ipulu.»

Condii lisai 66:18

Te yáà tuunun pɛ dɛnɛ vɔɔndo o kɔl, Maalii ndóò yeŋnunnin ya le.

Osee 5:6

A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Malasi 2:13

Diinndɔɔ, ɲɛ niaa co vɛlɛ tosaa-o co hoo ni: la co mɛmɛan peiyo o fonda-loamaa-lasálàá coo a caŋnda niaa co lan. Kani Mɛlɛka co lɛ bɛɛ sálàla niaalan tofa le, o co lɛ ɲɛ-ɲɛ cɛlɔɔ niaa o ba le.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»