Yeremi 11:13 - BII BILA

¹³ Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 11:13 Referans Kwoze

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

2Masaa 23:13

Mó tɛɛmbuu vɛlɛ tombun va Yerusalɛm ciee-lekɔɔ o Pembii oliviei a ba too-on. Salomɔn masaa Israɛl ndóò tangul mun ni le Astartee piɔm nɔɔlɛi Sidɔnnda, le Kɛmɔs piɔm nɔɔlɛi Moabua a le Milkɔm piɔm bɛɛtambɛi Amɔnnda.

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Yeremi 19:5

Má tengul Baal tombon, le poaa ndaa sálàla loamaalan solio lon. Nduyɛ o co ya léè dimul nda le dɛnɛ vaa lende tosaa le, kabi i dimi ken te, yiyan kon bɛɛ del-la le.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Esai 2:8

Lɛŋnden ndalen le pɛ a piɔmnda, a co vulan baŋɔɔ ɲɛm nda cɔw a bala ndalan-ndon o labɛngunin, ɲɛm nda toosiaa a sun ndan-ndon pɛɛn.

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 44:21

Sálàla niaa va lomɔɔ o kobilan Yuda nin a o nɛilan Yerusalɛm coo niaa fuɲaa niaa, masaa niaa, simlacia niaa a vannda kpow lan, vɛ̀ɛ̀ o co a lan o kɔɔ le Mɛlɛka co sɔɛi he nuaa le? Niaa ca ko aa o pɔɛɛnun?

Yeremi 48:35

I ɲuminin vanaa kɔa halaa ndaa sálàlan solullo o tombon-nda o lɛŋnde Moab len nin.» Sɔɛi fula ya Mɛlɛka o sondo-e co ken ni.

Esekiɛl 16:24

má tengulun vɛlɛ bandólan a kpɔngbɔlan o fondalan kpede coo.

Osee 9:10

«Maa rɛsɛŋun co o lɛŋnde veselɛilen nin-ndon lende ya komal Israɛlla ni, maa voosun tasen voosoo koam-ndon ya ce fuɲaa niaa mamaa ni. Kɛ mɛɛ nda tiiya dɔ́ɔ́ Baal-Peɔr, má luei balan o piɔm nɔɔlɛi kon sooloo, mí nda pila siŋnun ɲɛ vɔɔn bɛndoo ya Mɛlɛka o hɔl maa piɔm ndáà kaola kon sɛnɛi-yo.

2Dɛnnda lemasalan 28:25

Mó cɔaw vɛlɛ fondala-loamaa-lasálàlan o kobila yɛ́-yɛ́la va o tàndá Yuda-o nin-ndan kpow nin le halaa celennda sálàla cuɛima cun kɛndɛlan solullo. Nuaa o tosa ni, mó tɛɛmbuu Mɛlɛka Hala fuɲaa ndɔa mamaa kɔllo.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 17:1

«Haki Yudaa co mɛɛ vana sɛva sɔɛi pum a tuɛndɔɔ, te kon te a pɔɔndɔɛi diamannde yɛ. O co nda o sɛvaa o lakɔl a o kpɛ̀ɛ́n fondala-loamaa-lasálàlan coo.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Yeremi 44:5

kɛ la yeŋnun te, la luei yii le, la mangala kela vɔɔn niaa va-o le, la mel halaa celennda sálàlan solullo le.

Osee 10:1

«Israɛlla va maa nakɔ n'rɛsɛn koam taw-vo, a va kuiyo taw-taw. Kɛ mɛɛ nda va kɔlan a kuiyo faw, lende koni nda va fondala-loamaa-lasálàlan vangalaa ni. Mɛɛ lɛŋnde ndalen le va naŋɔɔ yɛ, lende koni nda va powta sálàlan baŋɔɔ ni.