Yeremi 11:12 - BII BILA

¹² O kon Yudaa a Yerusalɛmnda mulinnin o halaa ndaa nda solul sálàlan-nda lo, kɛ a baŋanin nda a dɛnnda ndala palaalan te few.

Yeremi 11:12 Referans Kwoze

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Tɔŋ miingua 32:37

O kon, o ɲunanin aa: ‹Kuɛɛ nɛ halaa niaa fondoa co yɛ? Kuɛɛ nɛ pow bandílá niaa tiindan-ndo co yɛ?

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Masaa kialaa n'yamaa 10:14

La kɔ veelu niko piɔmaa niaa hɛli-a le niaa baŋaa. Nda bɛnda nin le niaa baŋaa lɔ́ɔ́ niaa vanin o dɛnɛ palaa nin-ndo ni.»

Tɔŋ miingua 32:38

Kuɛɛ nɛ halaa va visin macuɛin cɔlua sálàá dioo a mɔima sálàn kolɔɔ-a co yɛ? A cɔn niko ma mala niaa va! A cɔn niko ma ven niaa va!

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Esai 46:7

O kon kɔɔli, a cua hala nda kon, a handun ndu o lacongú, a kɔ kɛsi ndu o fondaa pum o lo lon. Kpeŋanndo bɛɛ o nɔla o fonda ndɔ nda kɛsi ndu-o coo le taanin! Yondaa ko nda yonda ndu o lani ni, kɛ o kuŋ te o soli le, o nɔla vana baŋa mò soli ndu o dɛnɛ palaa nin te!

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.