Yeremi 11:10 - BII BILA

¹⁰ A muungun o dɛnnda vɔɔnnda fuɲaa ndaa mamaa kɛɛ le sɔɔn nun biyɔɔ-a coo, má mulin halaa celen kɔɔli le nda sooloo. Israɛlla a Yudaa tɛɛmbuu kpema yáà yii a fuɲaa ndaa mamaa-o.

Yeremi 11:10 Referans Kwoze

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Esekiɛl 16:59

Kani nuaa Maalii Hala dimi ni aa: «I tosalnin nɔm Yerusalɛm mɛɛ nɔm bɛɛ tosa yɛ, kani a tɛɛndan sendí n mɛnan-ndo, má tɛɛmbuu kpemaa.

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Masaa kialaa n'yamaa 2:19

Kɛ te masa kialaa n'yama kon ndóò vi dɔ́ɔ́ pɛ, ndáà cɔɔlu muungu o laasianndo nin a halaa celennda sooloo a nda vulan baŋɔɔ o labɛngunin. A ve ɲɛ-ɲɛ faŋa lecoo o dɛnnda ndala vɔɔnndan nin a o kela nda lanila kaloo nin te.

Masaa kialaa n'yamaa 2:17

Kɛ a ve bɛɛ masaa kialaa n'yamaa kan lani yaŋɔɔ le, halaa celennda tuŋ nda va sooloo ni. Ma baŋ vulan nda o labɛngunin. Ma mulul dɔ́ɔ́ nɛila fuɲaa ndaa va kelaa coo lan kɔɔ, a bii tɔŋnda Mɛlɛka lan mɛɛ fuɲaa ndaa va tosaa yɛ le.

Hebreea 8:9

O venin maa o tase yáà yii a fuɲaa ndaa mamaa telen ya bii nda baa le nda solio o lɛŋnde Esipte len nin-ndo le. Kpema kon ndu, má tɛɛmbuu ndu, nduyɛ, ya va vana nda bɛndoo ni. Sɔɛi fula ya Mɛlɛka o sondo-e co ken ni.

Sofoni 1:6

I tɛɛmbuunin vanaa co faŋanndo ya Mɛlɛka ibuŋ, a co buulan te-a, vanaa co ya sɔɔnguu ikɛi le ya sila ɲuna le-a pɛɛn.

Osee 6:7

«Kɛ mɛɛ Adam tosa yɛ, la tɛɛmbuu kpemaa, mí la yii ya dúmbú.

Esekiɛl 44:7

Hali telen niaa co ya ɲɛdiaa nuu, visin macuɛiyon a kooma cɔlua sálàá niaa yɔngoo-o, la co vanaa súúla celennda, a kɔlta ndalan la mangalan haa le-a, a dii haa tooma le-a lueiyo o cɛi-kola-toandaa diandaa nuu nin. La nɔɔliaa cɛi biilaa nuu dɛ! La cii kpema co ya a niaa tɛɛn-ndo tɛɛmbuu a dɛnnda niaala nɔɔlɛilan kpede.

Condii lisai 78:57

Má muungu kelala vɔɔnndan maa fuɲaa ndaa mamaa, a lo o lediom coo a Hala le, má laasian maa kpaasiaa yoole kiolɛi.

Tɔŋ miingua 9:7

«La loonun a sɔɛi he, la pɔɛɛnun ndi le, la loonun maa la tɛɛmbuu Mɛlɛka Hala niaa kɔl taw o lɛŋnde veselɛilen nin. Kabi paale niaa faŋan Esipte len, háá tiiya niaa nanu, la pɛngi diom ndɔɔ sɛɛngiaa le few.

Tɔŋ lasálàá 26:15

te la kɛɛ pɛ silala nilan, mì la pɛɛsa nɛila nilan, te kela o tɔŋndan nilan kpow coo le, te la tɛɛmbuu pɛ kpema nuu,

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Osee 6:4

Kɛ mí Mɛlɛka mulul niaa aa: «Yɛɛ ya tosa yɛnin le niaa, niaa polale Efraim-nden? Niaa polale Yuda len yɛ, yɛɛ ya tosa yɛnin le niaa? Kaola niaa nɔ le ya-o, maa mɔ́m idii o co ni, maa makɛm o co ni, o nɛi puusian te.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Masaa kialaa n'yamaa 2:11

Mí cuavaa Israɛlla tosa ɲɛ hɛnan Mɛlɛka loo, má sooluu Baalla.

Yeremi 7:28

o kon a dimul nda aa: «Vanaa yeŋnun diom Mɛlɛka Hala ndaa le-a niaa co ni, vanaa yeema mi vana sila nda le-a pɛɛn. Dɛnɛ sandaa ɲum mò fula niaa o lasondo few-few.»

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.

Yeremi 44:5

kɛ la yeŋnun te, la luei yii le, la mangala kela vɔɔn niaa va-o le, la mel halaa celennda sálàlan solullo le.

Yeremi 44:16

«Dimi pɛɛ aa o diola Mɛlɛka lan n co sɔɛi o naa lo ni, n yeŋnin nɔm lani le.

Esekiɛl 5:6

Kɛ má tosa nila kalulan, má kɛɛ le tɔŋnda nilan a silala nilan biyɔɔ, má tosa kɔlvesɛiyo hiovɔɔ vanaa-mangalaa-isɔɔa a lɛŋii balu nda-e coo. Kani vanaa co lon-nda pɛɛsa tɔŋnda nilan, má kɛɛ le kelaa o silala nilan coo.

Sakari 7:11

Kɛ, má kɛɛ le sɔɔn mún biyɔɔ, má tosa nila kalulan, má baŋulu nila ndalan yɔŋii ndáà tuei sɔɔn kalan.

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Esai 24:5

Vanaa va o lɛŋnden coo-a ndáà cii len nɔɔliaa, kani a va tɔŋndan tɛɛmbuuo a silalan laasiaa, a va kpema yiinun le fɛɛn a fɛɛn-ndo tɛɛmbuuo.

Yeremi 22:9

O kon má mulul nda aa: ‹Le baŋɔɔ vanaa va lenin-nda a baŋ vulan halaa celennda o labɛngunin, má sooluu nda, má tɛɛmbuu kpema va nda tɛɛn nda Mɛlɛka Hala ndaa-o ni.›»