Yeremi 10:9 - BII BILA

⁹ Vana caa baala labaa-o sɛl pɛ, vana teengiaa cilinndon-ndo yikpa nda a pɛngɛn volin humbun nda fula Tarsis-on, te kon te a sianin nda fula Ufas-on. O kon kɔɔli, a vow nda kolala keesela siaŋala sɔɔtɔtɔlan a la yim-yimndan. Mɛɛ nda co kpow, vanaa caa baala labaa-a toosiaa nda ni.

Yeremi 10:9 Referans Kwoze

Condii lisai 115:4

Kɛ piɔmaa nda cɔw a volion a á sianion-nda, a laba nda toosiaa nda ni.

Daniɛl 10:5

mí heelu hɔlla le tofaa, mí ca langbanɔɔ pum a kola keesoo lekɔɔ. Yaule va ndu o caŋ-nden le va le toosialen a sianin diandan.

Esai 40:19

Vana caa vali labaa-o, ndu cɔaw piɔmndo ni, mì vana teengiaa sianion-ndo ndu yikpia ndu a sianion, mò bɛli yɔlɔn volin latámán ndon.

1Masaa 10:22

Kani masaa Salomɔn ndóò nɔ dɛ̀ndɛ̀la bɛndula mamɛmnda fula Tarsis lan o mɛmma ihɛllan coo, dɛ̀ndɛ̀la mamɛnnda Hiram-ndan la va vɛlɛ ndu o ba. O vɔsila yaa oo vɔsila yaa bɛngu, dɛ̀ndɛ̀la fula Tarsis lan la va hunɔɔ lapiaalan ca a sianion, a volion, a ciŋun kamaa, a tɔmnda a á yovaa kɛndɛ-kɛndɛa pum.

Esekiɛl 27:12

Vannda Tarsis va yulalen tosaa a nɔm, le ɲɛm kɛndɛn va nɔm o ba taw-von. A va hunɔɔ a volin latámán, cilinndon, ciliŋun humbon a liion o nɔm ndo le vɔngulan tosaa niaa ndaa.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

Esai 23:6

Niaa co icali o mɛmma ihɛllan kɔngɔ-a, la taŋ-ndɔ mì la kɔɛ háá Tarsis. La kɔ mì la kɔ hiila hiko-hiko a caŋndo.

Esekiɛl 27:7

Kolala-keesela sɔɔlaalan Esipte la va kola nɔm vaan-vaan kuumbuan o hɔl-lo a vanaa sina nɔm kɔɔli-kɔɔli-a ni. Kola siaŋa vólotótoo a kola siaŋa sɔɔtɔtɔɔ, la fula o lɛŋii co o mɛnndan tɛɛn Elisia lan la va la kumbuaa o vɔngula nɔmndan coo ni.

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

Habakuk 2:19

Dangaa co le niaa! Niaa co yɔm nda sɛl-lo dimullo aa: «Cɔn»-nda, mì la va vɛlɛ pow nɔla isɔɔ loo dimullo aa: «Cɔn». O kɛ́-kɛ̀ kindi vana kɔl te, vana yikpa bɛɛ nda a sianion te kon te a volion, sanga fondoo fúú.

2Dɛnnda lemasalan 9:21

Masaa ndóò nɔ dɛ̀ndɛ̀la mamɛnndan, la ndóò viam Tarsis dí le kɔlan a vanaa ɲaanun dɛ̀ndɛ̀la mamɛnnda masaa Hiram-ndan-nda. Vɔsilan la hiow pɛ layàá, la hin lapiaa ca a sianion, a volion, a ciŋun kamaa, a tɔmnda a á yovaa kɛndɛ-kɛndɛa pum.

Osee 8:6

Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.