Yeremi 10:8 - BII BILA

⁸ Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 10:8 Referans Kwoze

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Esai 44:19

Vana-vana co yiyan te, vana-vana nɔ kɔlkalu, te kon te sinapɛngu le dimio le aa: «I lom yɔmndo ho o tiŋ o yin te. I lom bulu nuu o dɛngulta yɔmndo ho coo, mí tuɛi vision, mí dia mun a yɔmnde he, mí tosa dɛnɛ nɔɔlɛiyo a yɔmii tɔ̀ɛi lo ya o ba-e, mí baŋ vulan yɔm ibungaa o labɛngunin.»

Esai 41:29

Tofa vɔ, nda kpede ɲɛ fondoo fúú nda co ni. Dɛnnda ndalan kpow la co ɲɛ-ɲɛ le. Hoeiye a ɲɛ fondoo piɔmaa ndaa co ni.

Condii lisai 135:18

Velanndo nda pila a vanaa cɔw nda-a, lende koni vanaa co nda tiindanndo-a co vɛlɛ ni.

Condii lisai 115:8

Velanndo nda pila a vanaa cɔw nda-a. Lende koni vanaa co nda tiindanndo-a co vɛlɛ ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Esai 44:18

Vanaa kan a sina ɲɛ-ɲɛ le, a bii ɲɛ-ɲɛ bila le, a kinda nda hɔltan yɔŋii nda cɔ, a laasiaa nda kɔltan yɔŋii nda bii ɲɛ bila.

Yeremi 3:9

A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Yeremi 5:4

I va yiyanndo maa: «O co vanaa sɔvɛ le vannda ha co le, a tosa sɔɔn kɔlkalu le, kani a sina nɛi Mɛlɛka-o le, tɔŋ Hala ndaa pɛɛn.

Yonas 2:8

Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.