Yeremi 10:7 - BII BILA

⁷ Nɛ̀ɛ́-nɛ̀ kɛɛ yɛnin nɔm vo, nɔm co masaa le vanaa-mangalaa-isɔɔa súúlan kpow-vo? Nɔm vana bɛnda le vou ni, kani o vanaa kɔlkalua co vanaa-mangalaa-isɔɔa súúlan kpow-va tɛɛn, a o masɛi ndɛi kpow nin, vana-vana co maa nɔm te.

Yeremi 10:7 Referans Kwoze

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Condii lisai 22:28

Vanaa co o lɛŋnden mɛɛlulan-nda kpow a loonunnin a Mɛlɛka o kɔɔ, mà muungu ndu o ibuŋ. Yungula vanaa-mangalaa-isɔɔa kpow la baŋnin vulan ndu o labɛngunin.

Yeremi 10:6

Vana-vana co maa nɔm te Mɛlɛka, a co o bɔɔ, diola nɔmnda kpaaya lan la co la bɔɔ.

Yeremi 5:22

Mí Mɛlɛka ɲuna aa: ‹Mɛɛ la nɔ siòòŋii ni le? Mɛɛ la nɔla ɲiiyaa ya o hɔl te? Ya kɛsul mɛmma ihɛllan pɛɛngulan a sióónndon ni, pɛɛngula fɛɛn-fɛɛnnda ma nɔla hiovɔɔ le lan pɛɛn. Mɛ̀ɛ́-mɛ̀ɛ́ ma va biiŋɔnndo, ma nɔ kpaaya má hiaw lan te, mɛ̀ɛ́-mɛ̀ɛ́ ma kuuliaa, ma hiw pɛɛngula lan te.

Condii lisai 89:6

Éé Hala, màá mɛlɛkaa a mel nɔm balika o halataala le dɛnnda kɛndɛla n tosa lan a le lo n lo o lediom coo-o!

Luke 12:5

Kɛ i cɔmnin niaa vana niaa bɛnda le vou-vo. La vo Hala, o nɔ kpaayaa-o, te o cii pɛ vana diyɔɔ, o viow o ɲánndávàà. Maa lekɛ́ndɛi, mì dimul niaa, ndu niaa bɛnda mì la vo ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Esai 2:4

Ndu kialunin yamɛi vanaa-mangalaa-isɔɔa tɛɛn ni, ndu vanin vana dimi diom mɛɛlaa vanaa súúla celen tɛɛn-ndo ni. A cuanin mɔɔn ndan cɔwvon mà cɔw dɛndɛla vaalan a mun, a cɔawnin vɔlɔtɔlan a bálta ndalan. Kani vanaa-mangalaa-isɔɔ súú-súù a cue lɛnin mɔɛi cɔwve le kɔlan a celen delɔɔ coo a cɔwvo le, vana-vana pɛi lɛnin cɔwvo le.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Korɛntea 8:6

kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.

Fulaa 8:10

Mɛɛ nda vi, má diw nda bémbéla bɛndulan yilin-yilin, mí lɛŋnden le fula cun kuí-kuí.

Fulaa 9:14

Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.

Yosue 4:24

O tosa kon, haliko mi vannda o lɛŋnden kpow coo a sina mɛɛ o nɔ kpaayaa yɛ, mì siòònde bii nda a ndu Mɛlɛka Hala niaa le lɔ́ɔ́-lɔ́ɔ̀.»

Ɛstɛr 1:13

Le hee, mí masaa ɲuna silaa o vanaa kɔlkalua sina sɔɔn tɔŋndon-nda lo, kani lende sɔɔn masaa mun dimin vanaa sina tɔŋndo-a a vanaa dimi sɔɔn sandan-nda tɛɛn ni.

Daniɛl 2:27

Mí Daniɛl muli aa: «Masaa, dɛnɛ n yeema le sinaa-o, vanaa kɔlkalua, vanaa soaa a loeon o kɔɔ-a, mandea a vanaa mangalaa súúlan kpow a nɔla nɔm ndu tɛɛsial te.

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Habakuk 3:2

«Mɛlɛka, i tuei a nɔm o kɔɔ. Siòònde bii ya dɛnnda nɔmndan, Mɛlɛka. O vɔsilan ndan bɛngu, peelu dɛnnda kalalan. O vɔsilan ndan bɛngu, cɔm vannda dɛnnda vakpa. Kɛ o kɔl nɔm tuwvo nin, loonun, a ɲíí nɔmnde o kɔɔ.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

2Masaa 17:39

Ya Mɛlɛka Hala niaa daama niaa bɛnda le biiloo ni. O kon i baŋanin niaa yaamɔaa niaa kpow o ba.»

1Dɛnnda lemasalan 16:25

Kani Mɛlɛka co o bɔɔ, le ndu biiloo bɛnda ni, o hiow halaa kpow kpaayaa.

Condii lisai 47:3

Kani Kpulunkumaa Mɛlɛka, Hala-Hiow-Ɲɔɔn-Kpow-vo co ni. Ndu co masa bɛndoo o lɛŋnden kpow coo ni.

Condii lisai 86:8

Éé Maalii, hala kɛ́-kɛ̀ co maa nɔm o piɔmnda tɛɛn te, o kɛ́-kɛ̀ tiwba mò tosa dɛnndan maa nɔm te.

Condii lisai 147:5

Mɛlɛka naa co o bɔɔ, o nɔ kpaayaa taw, kɔlkalu ndɔɔ nɔ lamɛɛlu le.