Biblia Todo Logo
Bib sou entènèt

- Piblisite -




Yeremi 10:6 - BII BILA

6 Vana-vana co maa nɔm te Mɛlɛka, a co o bɔɔ, diola nɔmnda kpaaya lan la co la bɔɔ.

Gade chapit la Kopi




Yeremi 10:6
27 Referans Kwoze  

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?


Kani Mɛlɛka co o bɔɔ, le ndu biiloo bɛnda ni. O halaa kpow tɛɛn, ndu vana bɛnda ma vo ni.


Condei. Condii poaa Kore-a.


Mí Moise dimi vɛlɛ aa: «Yesurun sei! Vana-vana siiman a Hala le. Ndu buli halataalaa ni le hunɔɔ niaa malaa. Ndu co o biilu ndɔɔ nin o yumbuyumboo nin ni.


La yonda a kɔlkɛndɔɔ mì la soli diomndan a ɲaaloo, niaa co icali Siɔn-nda! Kani O-Diandaa Israɛlla co o bɛndu-bɛndu niaa tɛɛn.›»


Mɛlɛka co o bɔɔ, mɛɛ mì vana lisa ndu, vana tiwba bɔɔbɔɔyɛi ndɔɛi sinaa le.


Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.


Mɛlɛka naa co o bɔɔ, o nɔ kpaayaa taw, kɔlkalu ndɔɔ nɔ lamɛɛlu le.


A co o bɔɔ Maalii, Mɛlɛka! Vana co maa nɔm te. Maa mɛɛ naa n tuei kabi paandu yɛ, Hala celen co o nɔm kɔɔli le.


A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›


«A Nɛ̀ɛ́-nɛ̀ niaa tuu yɛnin ya mì va velan ndɔɔ kpeekpei?» O-Diandaa ɲuna nuaa ni.


Mɛɛ nda vi, má diw nda bémbéla bɛndulan yilin-yilin, mí lɛŋnden le fula cun kuí-kuí.


Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.


Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»


La loonun-ndɔ a sɔɔn tosan sindɛ pɔ́-pɔ́-on. Kani ya co Hala ni, o celen co le. Ya co Hala ni, vana-vana siiman a ya le.


A Nɛ̀ɛ́-nɛ̀ kpeekpei niaa tuu yɛnin ya, mì la siiman ndu a ya? Nɛ̀ɛ́-nɛ̀ niaa ce yɛ velan nuu o n'dial, haliko mi la tuu ya a ndu?


A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?


Paala nilan kpow la diminin aa: «Mɛlɛka, nɛ̀ɛ́-nɛ̀ nɔla yɛ vana nɔ mayoomu loo baŋaa vana hiow ndu kpaayaa-o o ba? Nɛ̀ɛ́ nɔla yɛ vana bala fondoo a vana ikɔɔ baŋaa vana co nda ɲɔɔn poondiaa o ba-a o ba?»


Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.


Nɛɛ-nɛɛ niaa tuei pɛ buloo diom, la cɛn o fonda niaa co và-o, la komal naa lon. Hala naa tosanin cɔwvo le naa.›


Kani pow bandílá ndaa co maa pow kpova niaa le. Hali yaamɔaa naa bɛɛ a kialu yamɛi ken.


Kani sisa nin, o cii kiolɔɔ le nɔm kpundɛla súú-súù ka tuisio coo niaa vanaa nɔmaa baalaa a Esiptea tɔ̀a kpow, haliko ma sina maa vana-vana siiman a ndu Mɛlɛka o ceendo coo le.


kɛ, le naa naa, n sínà maa Mɛlɛka ndu pilɛ kpé co ni, Hala Fuɲaa, o cɔw ɲɔɔn kpow-vo. Nduyɛ le ndu naa n co yoomu ni. Maalii ndu pilɛ kpé co vɛlɛ ni, Yeesu Krista, o ɲɔɔn kpow n fula o ba-o, le ndu naa n co yoomu ni.


Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.


Kani Mɛlɛka co o bɔɔ, le ndu biiloo bɛnda ni, o hiow halaa kpow kpaayaa.


Swiv nou:

Piblisite


Piblisite