Yeremi 10:21 - BII BILA

²¹ Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Yeremi 10:21 Referans Kwoze

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Sakari 10:3

Lelan, i tuulu kɔl taw a vanaa mandaa n'saa, i co simlacia sangaa tuisi coo. Kani ya Mɛlɛka-Nɔ-Kpaayaa-Kpow-vo, i nɔ yiyanndo saa nia kundaa coo, polale Yuda len pɛɛn. I co nda siinguu maa so ni latɔ́ɔ́-tɔ́ɔ́ le kɔlan cɔwvo tosaa.

Esekiɛl 34:12

Mɛɛ vana mandaa n'saa cuungiaa cɔlua ndɔa paale nda co sɛŋin-nden yɛ, lende ya mɔɔsiaanin saa nia ni, mì soli nda o fondala nda co a saŋnannda nin-ndan kpede, nɛɛ ndáà sɛŋin o paale yumbuyumbulen a o paale ɲumma bɛndulen coo-a.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 8:9

Siɛmbulan la bii vanaa kɔlkalua, siòònde bii nda taw, a biinun o yaŋɔɔlen. Nda kelun sɔɛi Mɛlɛka-e yii ni. Ɔ́ɔ̀ niko kɔlkalu ndaa?

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 49:32

Yaamɔa biwnin ɲɔɔmɛɛa ndaa a cɔlua ndaa bana-banaa. Bolofaa cɔw nda cuanin-ndo vanin kon ni. I pialnin nda mà sɛŋin ba-ba fee, vanaa nɔ haa kangbala sendiaalan-nda pɛɛn. I tuisinin nda dɛnɛ palaa coo fulaa ba-ba fee.» Sɔɛi fula Mɛlɛka o sondo-e co ken ni.

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Yeremi 22:30

O Mɛlɛka dimi-o co hoo ni aa: «La sɛva po kon maa o nɔ hɔ́ɔ́ le, vana sangan fúú o ceen ndɔɔ nin-ndo. Vana pilɛ bɛɛ fulanin o yungu ndɔɔ nin, mò koma cal o kpɛŋɛ lemasa David-o nin te, o kɛ́-kɛ̀ tosanin masalen o tàndá Yuda-o coo le.»