Yeremi 10:20 - BII BILA

²⁰ Cɛi-kola-toandaa nuu puusian, yoei ndɔɛi kpow i suingin. Cuavaa nia kpow a faŋan ya, a co lɛ le, vana co lɛ le ya cɛi-kola-toandaa nuu mingul-lo isisi le, le ya nɛɛ calaa tengullo le.»

Yeremi 10:20 Referans Kwoze

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Yeremi 31:15

O Mɛlɛka dimi-o co hoo ni aa: «Yéélan la co sɔɛi Rama. Koŋullo a caŋnda fúkpàà-fùkpààlan la co sɔɛi lon. Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

Esai 54:2

«Cɔɔlu fonda cɛi-kola-toandaa nɔmndo kuundiaa, mà tondu kolala n'vìì fondala nɔmnda calaalan-ndan. Toandu lan a siòòŋii bɔnɔ le! Bɛndi yoei nɔmnde mà baŋ pikin nɔmndon kpáŋ!

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Esai 51:16

I vow sɔɔn nun nɔm o sondo, mí kuumbuu nɔm a vunduma ba nuu, telen ya va halataalaa tondɔɔ-o, telen ya va lɛŋnden kilaa-o a telen ya va Siɔn dimullo aa: «Vanaa niaa niaa co ni-o.»

Talelan 12:7

Vanaa kɔlvesɛiya del pɛ, a cuu itambu o lepilɔɔ. Kɛ mì yungu vanaa sandaa lonnun isisi yili.

SƐBƐ YƆB-O 7:8

Hɔlte va ya tofaa len le ci lɛnin ya le, Hɔlta nɔmndan la nuwviaa nin ya, kɛ ya, i ve lɛnin te.

Esai 51:18

O Cuavaa o velu-a tɛɛn-kpede, o pilɛ bɛɛ sɔlan le simndan laci le kɔlan te, o cuavaa o manda-a kpow tɛɛn, o pilɛ bɛɛ co le ndu baa saa le.

Misee 2:9

La co vanlaandua yungu nuu solio o cɛila ndala nda kaola lan nin, mì la va cuavaa ndaa biilu ya yɔngu nda-o tuŋɔɔ le fɛɛn a fɛɛn.

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.