Yeremi 10:19 - BII BILA

¹⁹ «Mbɔ̀ ya i kɔndu dɛnɛ fɔ́! Bolin nuu singu le. I va dimio aa: sanga co le ya-o, i bɛnda mì biwnun ndu.

Yeremi 10:19 Referans Kwoze

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Yeremi 14:17

«Sɔɛi n dimulnin nda-e co hee ni aa: Paalen a ɲumndan mɛmɛan ma co ya tolɔɔ kongilan, kani dɛnɛ palaa vɔɔn-vɔɔndo tol vanaa nia coo, a yɔŋulun yɔŋulɔn nɛyaa bɛndu singu loo.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Condii lisai 39:9

Baŋa ya a dɛnnda nila vɔɔnnda kpow. Cɛl mì diɔmnda mam ya le.

Cɛɛŋɔnnda Yeremi lan 3:48

Mɛmɛan ma co ya tolɔɔ maa mɛmma pee pɔmbɔ, le kpundɛ tol vanaa nia coo-o.

Cɛɛŋɔnnda Yeremi lan 1:2

Lɔan pii, o co caŋndo. Kuulan la liva ndu yɔ́-yɔ́ a mɛmɛan, vanaa ndáà yeema ndu pandu-a kpow, o kɛ́-kɛ̀ co yiyan le ndu ɲɔɔloo le. Caaŋaa ndɔa kpow a hui ndu, má siŋnun yaamɔaa ndɔa.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 8:21

Sanga bɛndoo co vanaa nia coo, mɔnɛi co ya o kɔl, diallon n vi ya.

Yeremi 4:19

«Éé ya, demboo! Kpòkóó ya, demboo! I co somisominndo a ɲɛ nɛyaa, kɔllo kindun ya véŋ-véŋ. I tiwba meiyo a hee le, kani i tuei bulula-hɔŋaalan diom, a yonda cɔwvo.

Esai 8:17

Ya ya, i co Mɛlɛka tofa, o vin cuavaa Yakɔb-a hɔlaa ndɔa-o pɛɛn. Ndu ya tiindan ni.

Condii lisai 77:10

Vɛ̀ɛ̀ pɔɛɛnɔnndo Hala pɔɛɛnun le naa ɲííye tuinɔnndo nuaa ni? Vɛ̀ɛ̀ kɔl ndɔɔ o kindal naa a kɔltuwvo nuaa ni?›

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.