Yeremi 10:18 - BII BILA

¹⁸ Kani o Mɛlɛka dimi-o co hoo ni aa: «O laan, i co vanaa co o lɛŋnden nden nin-nda viovɔɔ polon, i co nda ŋɔvɔɔ haliko ma sɔla biyɔɔ.»

Yeremi 10:18 Referans Kwoze

1Samiɛl 25:29

Vana-vana tuu pɛ le nɔm diyɔɔ, o tiwnin ba le, kani Mɛlɛka Hala nɔmndo kandanin yoomu nɔmndo lɔ́ɔ́-lɔ́ɔ̀, mò manda nɔm ndu pila ikɛi. Kɛ nduyɛ, o viawnin yoomula yaamɔaa nɔmnda polon mɛɛ vana viaw ɲɔɔ a fáàndaa nuaa yɛ.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Esekiɛl 6:10

A sinanin pɛɛngu maa ya co Mɛlɛka ni, maa o co kɔngɔlan fondo fúú le ya va nda le nda dɛnɛ palaa ho tuisio coo le.›»

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Yeremi 16:13

Lelan, i co niaa tovɔɔ mì yɛɛ niaa o lɛŋnde niaa sina le len nin, le fuɲaa niaa mamaa sina bɛɛ paandu le len, lon niaa kɔ vanin halaa celennda sooloo paalen a ɲumndan ni, i tuinun ndɛnin niaa iɲíí le.›»

Tɔŋ miingua 28:52

A tiilanin kobila niaalan, mà lo lon háá ma koombiaa kpakila bɛndula niaa va tiindanndo lan o lɛŋnde niaalen kpow nin. Lende nda tiilanin kobilan kpow o lɛŋnde Mɛlɛka Hala niaa yɔngu niaa len nin ni.

Yeremi 22:26

I toawnin nɔm niaa kala nɔm, o lɛŋnde niaa vilun nin te len nin. Lon niaa vunin ni.

Sofoni 1:17

I tuisinin dɛnɛ palaa vanndacieea coo mà va kɔlan a nɛiyo nuwviaa maa vanaa sumɛi. Kani a cua hakio a ya Mɛlɛka. Kooma ndan ma sɛŋinnin maa cundu, mì nda pila tiw a vílɛ́iya maa bil.

Esai 22:17

Tofa vɔ, a vanabɛnduyɛi nɔmnde kpede, Mɛlɛka co nɔm simbɔɔ ma bɔndii, mò hiiluu nɔm vokuu-vokuu, mò viow nɔm polon!