Yeremi 10:16 - BII BILA

¹⁶ Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Yeremi 10:16 Referans Kwoze

Tɔŋ miingua 32:9

Kani kɛ́ Mɛlɛka-o ndu co yungu ndɔ kon ni. Polale Yakɔb len pɛɛn.

Yeremi 32:18

A tosal vanndacieea dɛnɛ kɛndɔɔ háá o lambi vaa pilɛndɔɔ, kɛ te kala-ncuawva tosa pɛ hakio, a tuisi cuavaa ndaa sangaa coo le tɛɛmbuu kon. Hala co o bɔɔ-o a Hala kpaayaa n co ni, diola nɔmndan aa: ‹Mɛlɛka-Nɔ-Kpaayaa-Kpow-vo.›

Yeremi 31:35

Mɛlɛka, o kɛsi paalen o fonda ndɔɔ-o, o co ɲɛ-tengaa yɔngoo ipala-o, o dimul paangei a loeon le vaa ɲɛ-tengaa yɔngoo icɔl-lo, o tosa mí mɛmma ihɛllan ma hel kpungbuulan a ba ndɔ-o, o nɔ diolan aa Mɛlɛka-Nɔ-Kpaayaa-Kpow-vo-o dimi lende ni.

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Yeremi 10:12

A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

Condii lisai 119:57

Mí dimi aa: nɔm Mɛlɛka co o nuu ni, i cii tuu le sɔɛi nɔmnde biyɔɔ.

Condii lisai 74:2

Loonun a vanaa nɔmnda o kɔɔ, vanaa n kɛsi le nɔm pila o co nin hau lɔ́ɔ́ levil-la. Loonun a vanaa fula o polama co kɛ́ nɔmndo-an nin-nda, vanaa kan pɛɛn à n baŋa-a. Loonun a pembei Siɔn o kɔɔ, nɛɛ n kila caltan nɔmndan-nda.

Cɛɛŋɔnnda Yeremi lan 3:24

Kɔl nuu dimi aa: Mɛlɛka co kɛ́ nuu ni, lelan ya co ndu cumndo ni.

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Yeremi 50:34

Kɛ ya vana soaa le nda-o, i nɔ kpaayaa. Ya co Mɛlɛka-Nɔ-Kpaayaa-Kpow-vo ni. I co isɔɔ le nda válán, mì kɔlɲuloo sɔlan o lɛŋnden coo, o kon mì Babilɔnnda ɲiiya.

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Condii lisai 73:26

Dialun nun a kɔl nuu co yɔkpaa, kɛ nɔm Hala vanin pow kpova nuu a kɛ́ nuu le fɛɛn a fɛɛn ni.

Fulaa 19:5

Lelan sisa, te la bii pɛ sɔɛi nii, mì la manda kpema nuu, la vanin yungu kɛsin teengen le ya-o o vanaa súúla celennda tɛɛn, kani ya nɔ lɛŋnden kpow ni.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Esai 51:15

Ya co Mɛlɛka ni, Hala nɔmndo pɛɛn, ya hiiluu mɛmma ihɛllan ni, ya tosa ni mí mɛnndan ma kuŋ. Diola nilan aa Mɛlɛka-Nɔ-Kpaayaa-Kpow-vo.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Esai 47:4

Vana naa baŋaa diolan aa Mɛlɛka-Nɔ-Kpaayaa-Kpow-vo, O-Diandaa Israɛlla.

Talelan 16:4

Mɛlɛka toosiaa ɲɛ-ɲɛ fee a kɔlɔ. Hali vanaa kɔlvesɛiya, o toosiaa nda le paale dɛnɛ palaalen.

Condii lisai 142:5

Tofa vɔ ya o ba kɛndɔɔ coo, mà ce. Vana-vana co ya mulul te, i nɔ nɛɛ viannan te, vana-vana co buulan le yoomu nuu le.

Yeremi 10:6

Vana-vana co maa nɔm te Mɛlɛka, a co o bɔɔ, diola nɔmnda kpaaya lan la co la bɔɔ.

Yeremi 33:2

«Diom Vana co dɛnndan kpow tosaa-o soo-o co ho ni, o co lan toosiaa mò va lan peeloo-o, o nɔ diolan aa Mɛlɛka-o aa:

Amɔs 4:13

Kani la tofa vɔ! Vana cɔw pembon a hoeiye-o, vana cɔm vanacieo yiyannda ndɔlan-ndo, vana mangala ɲɛ-tengaa paale siaa ɲumndan-ndo, ó co kelaa o pembun co o lɛŋnden coo-on coo-o, diola ndɔlan aa Mɛlɛka, Hala-Nɔ-Kpaayaa-Kpow-vo.»

Sakari 2:12

Kani la tuei-yɔ diom Mɛlɛka-Nɔ-Kpaayaa-Kpow-vo, o vem ya o vanaa-mangalaa-isɔaa co niaa yungaa a ɲɛm niaan hiɔlɔɔ-a lo-o dimi aa: ‹Vana-vana pilan niaa pɛ, mɛɛ vana kon pilan ya hɔlte kúlten.

Fulaa 34:9

Mó dimi aa: «Éé Maalii, te o va pɛ maa a ce ya ɲia lekɛ́ndɛi, mɛɛ i ɲɔɔlu nɔm, cɛl mì n kɔɛ naa niaa latulu, ma va naa tɛɛn. Ya bɛɛ, i sina nihau maa vanaa lanila kalua vannda ha co ni. Kɛ mal naa haki le tɛɛmbuu naa, le hakila naa n tosa lan. Bii naa mì n va cuavaa nɔmnda.»

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Esai 19:25

Mɛlɛka-Nɔ-Kpaayaa-Kpow-vo dɔawnin nda duaa mò dimi aa: «Duaa co le Esiptea, yungu nuu nda co ni, duaa co le Asiriia, vali bala nilan la tosa-o nda co ni, duaa co le Israɛlla, nda co kɛ́ nuu ni!»

Yeremi 46:18

Sɔɛi fula masa nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa: ‹Te i co yoomu lekɛ́ndɛi! Te pembei Tabɔr co ni, te o mɛnndan coo Karmɛl co ni, mɛɛ hunɔɔ yaamɔɔa co ni.›