Yeremi 10:15 - BII BILA

¹⁵ Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Yeremi 10:15 Referans Kwoze

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»

Esai 41:24

Bɔkɔtɔ! La co ɲɛ-ɲɛ le mbɔ̀! Vali niaa kpow, fondo fúú o co ni. O co dɛnɛ nɔɔlɛi bɛndu le niaa hɛlio!

Yeremi 51:18

Ɲɛ fondoo fúú nda co ni, mamɔɔ hun vana o kɔl a nda ni. Paale Mɛlɛka co cɔnɔn a nda len, a co ɲum kpede.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Yonas 2:8

Tuma yoomoo va faŋanndo ya o milinndo, mí yiyan a nɔm Mɛlɛka o kɔɔ, o kon mí piɛile nilen le hel háá o nɔm ndo, o calta nɔmndan nin dí.

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Esai 41:29

Tofa vɔ, nda kpede ɲɛ fondoo fúú nda co ni. Dɛnnda ndalan kpow la co ɲɛ-ɲɛ le. Hoeiye a ɲɛ fondoo piɔmaa ndaa co ni.

1Samiɛl 12:21

Te la mulul pɛ ndu kɔɔ, la co ɲɛ fondoo biilu, ɲɛ nɔla vana mala loo, ɲɛ nɔla vana baŋa loo, kani ɲɛ fondoo piɔmnda co ni.

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

1Samiɛl 5:4

Diimandɔɔ pilɔɔ vɛlɛ, má pena cɔnɔn idiiyo púŋ, má saalun vɛlɛ Dakɔn o kuumbuan lɛŋ o kesu kpema Mɛlɛka-o hɔl-ndɔ. Bungɛi daama ndíì lonin ndu ni, kani mí bolle ndɔlen le piɔsi, mí bala ndɔlan bɛɛ la yomiyomi, mí la sɛŋin o kèédei máán kon coo.

Condii lisai 115:9

Niaa Israɛlla, la tiindan Mɛlɛka, ndu co niaa malaa ni, o co niaa kandaa.

Esai 57:12

Mɛɛ ya, i co ɲɛ co «dɛnɛ sandaa» niaa-o cɔɔmuu, a dɛnnda niaala solinin niaa kpeku oo kpeku le lan.

Yeremi 43:12

O malnin cɛila halaa Esiptea yin, mò lom halaa kalaa, te kon te mò kɔɛnnun a nda Babilɔn. O kindinnin le bolofaa Esiptea cɔwviaa mɛ̀ɛ́-mɛ̀ɛ́ vana mandaa n'cɔloo nuwviaa lɛnnda o volɔɔla ndɔla cuɛinanndan nuaa yɛ. O kon kɔɔli, o kɔɛnnun bɛɛn-bɛɛn.

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.