Yeremi 10:12 - BII BILA

¹² A kpaaya ndɔɔ Mɛlɛka cɔw lɛŋnden ni, a kɔlkalu ndɔɔ o kila ceendo ni, a dɛnɛ sinaa ndɔɔ o pɛngɛla lɛŋnden ni.

Yeremi 10:12 Referans Kwoze

SƐBƐ YƆB-O 9:8

Ndu pilɛ kpé tondu halataalaa ni, ndu nɛi o tindima mɛmma ihɛllan coo a labɛngu ni.

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

Talelan 3:19

A kɔlkaloo Mɛlɛka kila lɛŋnden ni, mó simi halataalaa yili a dɛnɛ sinaa.

Esai 40:22

Ndu co icali o kikil lelɛŋndo bollen ni, vanaa co icali lenin-nda maa n'sóónɔ nda co ni, o pɛngɛla halataalaa maa kola toandaa, o pɛngɛla ndu maa cɛi-kola-toandaa le calta ndɔlan kilaa lenin.

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.

Nsaŋ 1:3

A ndi ɲɛ-ɲɛ cɔwnun ni, ɲɛ-ɲɛ cownun ndi kɔɔli le.

Condii lisai 24:2

Ndu cɔw ceendo o mɛmma bɛnduan coo ni, ndu simi ndu o peelan coo ni.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Yeremi 10:13

O cua dɔ́ɔ́ pɛ sondoo, mɛnndan ma cuungian o halataala, coocoo piimiaa kɔɔli-kɔɔli, ɲɔɔ kandu dɔ́ɔ́ volio le piɔɔ tuisio, hoeiye cɛn hɔŋndo.

Esai 49:8

Nuaa Mɛlɛka dimi ni aa: «I mululnin niaa o telen kɛndɔɔ, o paale cindaalen coo. I malanin niaa, I mandanin niaa mì kɛsi niaa le kpemaa yiiyo a vannda, le lɛŋnden mingio simio a le kɛ́la laasian-ndan mingio piɔwvo.

Esai 48:13

Ba nuu kila lɛŋnden ni, ba ni kɛndɔɔ tondu halataalaa ni. I veelu dɔ́ɔ́ pɛ ɲɛm mun, n cɔmnun ya dɔ́ɔ́ vellaa-velle.

Esai 45:18

Kani nuaa Mɛlɛka soo ni, o cɔw halataalaa-o, o co Hala ndu pilɛ kpé-o, o toosiaa lɛŋnden mó bɛɛndiaa len, mó simi len yili-o, o cɔw len haliko le va fondo loo, o cɔw len haliko mi vanndacieea va icali lecoo-o, mó dimi aa: «Ya co Mɛlɛka ni, o celen co le.

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Esai 44:24

Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Condii lisai 104:24

Éé Mɛlɛka! Baalala nɔmndan la co la bɔɔ! A kɔlkalu nɔmndo n tosa lan kpow ni. Lɛŋnden le co lepiaa ca a ɲɛm n cɔw-von.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Talelan 30:4

Nɛ̀ɛ́ hel-lɛ nin o halataala? Nɛ̀ɛ́ cɛn yɛ nin o halataala mó toal? Nɛ̀ɛ́ bii yɛ nin hoeiye o ba ninndo? Nɛ̀ɛ́ vow yɛ nin mɛnndan o volɔɔ ndɔ cuɛinanndo nin? Nɛ̀ɛ́ handu yɛ pɛɛngula lelɛŋndan? Ɔ́ɔ̀ diola ndɔlan? Vɛ̀ɛ̀ po ndɔɔ nɔ yɛ diolan? Taa sinà pɛ, dimul-la!

Condii lisai 119:90

A lonin o lediom coo le lambilan a lambilan, a toosiaa lɛŋnden mì le sim yili.

Condii lisai 78:69

Mó cɔaw Fonda ndɔɔ Diandaa lon, mó cɔaw ndu o kálà-kálà maa halataalaa, mó toosiaa ndu mɛɛ o toosiaa lɛŋnden le lɔ́ɔ́-lɔ́ɔ̀ yɛ.

SƐBƐ YƆB-O 26:7

Ndu pɛngɛla halataala o soon bɛndu nɔ lamɛɛlu loo coo ni, ndu landu vɛlɛ lɛŋnden o ɲɛ fondoo coo ni.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

Condii lisai 93:1

Nɔm Mɛlɛka co masalen tosaa ni, a cii vanabɛnduyɛi vownɔn maa doma bɛndu, mà yiinun yoomuan maa leyáw. A cii lɛŋnden simi, le kpeŋan te.

O Kandɔɔ 2:5

yɔmndo ndu pilɛ bɛɛ ndóò vil-lɔ o lɛŋnden coo le, hali billo bɛɛ ndóò vil-lɔ le. Kani Mɛlɛka Hala ndóò tuisi vɔ piɔɔ o ceendo coo le. Vanaciee ve vɔ vɛlɛ le baalaa tosaa o lɛŋnden coo le.

SƐBƐ YƆB-O 37:18

vɛ̀ɛ̀ a nɔla mà tondu halataalaa maa Hala, mò kendu maa ciliŋii kálà-kálà?

Esai 37:16

«Mɛlɛka-Nɔ-Kpaayaa-Kpow-vo, Hala Israɛlla, nɔm co icali o mɛlɛkaa kanda ɲɛm Hala-on-nda coo-o, nɔm pilɛ kpé co Hala le masɛi co o lɛŋnden coo-e kpow ni! Nɔm cɔw halataalaa a lɛŋnden ni.

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

1Dɛnnda lemasalan 16:26

Nduyɛ halaa vannda nɔ kan-nda co ɲɛ-ɲɛ le. Mɛlɛka cɔw halataalaa ni.

Condii lisai 65:7

Nɔm simi pembon yili a yoomuma nɔmndan ni, kani vana kpaaya bɛndoo n co ni.

Yeremi 14:22

O halaa co vanaa-mangalaa-isɔɔa o ba-a kpow tɛɛn, hala kuɛɛ nɛ nɔla yɛ piɔɔ tuisio? Vɛ̀ɛ̀ halataalaa pila tuisi piɔɔ ni, o co nɔm te co Mɛlɛka Hala naa le? Hala naa, nɔm naa n kɛsi kɔllo coo ni, kani nɔm tosa dɛnnda lan kpow ni.»