Yeremi 10:10 - BII BILA

¹⁰ Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Yeremi 10:10 Referans Kwoze

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Condii lisai 76:7

Mɛɛ nɔm Hala Yakɔb-o deŋul nda, mí vanaa ɲaanun o soa coo-a a soa ndaa kan a deli lɛŋ lɛ́ɛ́siɛn.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Condii lisai 100:5

Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Condii lisai 31:5

Soli ya o yaŋɔɔle nda hendul-la len nin, kani nɔm co vana kándà ya-o ni.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Condii lisai 18:7

O sanga nuu nin, mí ɲuna Mɛlɛka le malaa sɔlaa, mí yonnda kpélén Hala nuu o lani. O lo o cɛi ndɔ lemasaa nin, mó tuɛi ya diom, mí diom nuu tiiya ndu o lani.

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Hebreea 10:31

Dɛnɛ dɔaw vana siòònnde tawvo o co ni, le vanacieo delɔɔ Hala nɔ yoomoo o ba-o o ba.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Malasi 3:2

Nɛ̀ɛ́-nɛ̀ yulu yɛnin paale o hunnin-nden? Nɛ̀ɛ́-nɛ̀ lo yɛnin isisi lɔ́ɔ́ o fulanin ceen-ndo? Kani maa yinnde teengiaa cilinnde len o vanin ni. Maa sɛmma vana tɔaa volɔɔlan-ndan o co ni.

Habakuk 3:6

O sim pɛ lɛŋnden le ɲiiya. O tofa pɛ vanaa-mangalaa-isɔɔa, kan yɔŋ siòònde a ndu. Pembun masindɛ-sindɔn co piɔsio, pembu pɔmbɔn sindɛ, n va mun nɛila ndɔlan paandu-on co tolɔɔ mɔlɔ-mɔlɔ,

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Condii lisai 146:6

Mɛlɛka cɔw halataalaa ni, lɛŋnden, mɛmma ihɛllan a ɲɛm co lenin-ndon kpow, Mɛlɛka lo o lediom coo lɔ́ɔ́-lɔ́ɔ̀-o o co ni.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

Condii lisai 114:7

Nɔm lɛŋnden, ɲiiya Mɛlɛka o hɔl, ɲiiya Hala Yakɔb-o o hɔl.

Condii lisai 104:32

A tofa pɛ lɛŋnden, le ɲiiya, a pilan pɛ pembon, kumnde kumbu mun kpu.

Condii lisai 97:4

Ɲɛ voliaa ndɔɔ co ceendo teengiaa, vannda co kon cɔu ma va ɲiiyaa.

Condii lisai 93:2

Sindɛ pá kpɛŋɛ lemasa nɔmndo kɛsin ni, a co le fɛɛn a fɛɛn.

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

Condii lisai 77:18

mí yumbuyumboo tuisi mɛnndan pɔ́lɔ̀-pɔ̀lɔ̀, mí piɔɔ va deŋio o halataala, mí kɔɔn nɔmndon va kɔlan nɛɛ-nɛɛ ka.

SƐBƐ YƆB-O 9:6

Mó hiŋ lɛŋnden yongban-yongban mí sungbuma le cal coo-an ma ɲiiya.

2Dɛnnda lemasalan 15:3

Telen vilɛi hiow lɔ́ɔ́ kon, Israɛlla ndáà nɔ Hala kpeekpei le, vana-solia-lasálà ve nda tɛɛn le nda pɛɛku le, ndáà nɔ vɛlɛ tɔŋ te.

1Masaa 18:39

Telen vannda kpow ce kon-ndo, má deli a kuumbuannda lɛŋ, má dimi aa: «Mɛlɛka co Hala kpeekpeiyo ni! Mɛlɛka co Hala kpeekpeiyo ni!»

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Masaa kialaa n'yamaa 5:4

Àá Mɛlɛka! Telen n va cɔnɔnndo Seir-o, lɔ́ɔ́ n va faŋanndo o lɛŋnde Edɔm-nden nin-ndo, mí lɛŋnden le ɲiiya, mí halataala pɔya, mí yumbuyumboo tenga mó tuisi mɛnndan.

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Nsaŋ 17:3

Nduyɛ, yoomu fɛɛn-fɛɛndo sɔlaa, kon co nɔm sinaa ni, nɔm co Hala kpeekpeiyo nɔm pilɛ kpé-o, a vana n vem-ndo vɛlɛ sinaa, Yeesu Krista pɛɛn.

Matie 26:63

Kɛ Yeesu kuŋ te, o soli le. O kon, mí bolle vanaa-solia-lasálàá dimul ndu aa: «Mɛnan le Hala co yoomu-o, mà dimul naa, te nɔm co Krista Po Hala-o ni.»

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Habakuk 3:10

Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 6:26

O kon kɔɔli, mí masaa Darius sɛval vannda súúlan kpow a vanaa-mangalaa-isɔaa yɛ́-yɛ́a va icali o lɛŋnden kpow coo-a aa: «Màá kɔlɲulu bɛndoo yɔngun niaa!

Daniɛl 4:34

Lelan sisa, ya Nebukanɛsar, i candu Masa kpeekpei co o halataala-o. I lisa ndu, i co ndu biiloo. Dɛnnda ndɔlan kpow, dɛnnda toɲalan la co ni. Nɛila ndɔlan kpow, nɛila sandaalan la co ni. O tiwba mò tuisi vanaa co kelaa o kuundianndo nin-nda siɛmbulan.»

Daniɛl 4:3

Mí yɔngu diomndo le ya vanaa kɔlkalua o lɛŋnde Babilɔn-nden nin kpow cuuo, haliko mi ndáà cɔm ya kɔlɔ lɔma yáà sɔl man-ndan.

Yeremi 23:36

Kɛ la dimi lɛ aa volɔɔlan te sɔɛi Mɛlɛka-e co le dɛ! Sɔɔn niaan niaa pila-on co volɔɔla niaalan ni, kani la co sɔɔn Hala nɔ yoomoo o ba-on tundɔɔ, Mɛlɛka-Nɔ-Kpaayaa-Kpow-vo, Hala naa pɛɛn.

Esai 37:17

Yandi Mɛlɛka yaŋ nilan mà tuei! Mɛlɛka kumbi hɔlta nɔmndan mà tofa! Tuei-yɔ sɔɔn Sennakerib sɔɔ vannda o sondo le hunɔɔ nɔm Hala yoomaa yeowlan a mun-ndon!

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Condii lisai 68:11

Òó Hala, lenin vanaa nɔmnda co icali ni, nɛɛ n kɛsi vanaa co o sangaa nin-nda o vanakɛndɛyɛi nɔmnde nin-nda pɛɛn.

O Kandɔɔ 21:33

O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.

1Masaa 8:60

O kon vanaa súúla yɛ́-yɛ́a co o lɛŋnden coo kpow-va co sina ni maa Mɛlɛka co Hala ni, maa o celen co o ndu kɔɔli le few!

Condii lisai 29:10

Mɛlɛka co icali o mɛmma nɔ lamɛɛlu le-an coo, o co icali o kpɛŋɛ ndɔ lemasaa coo le fɛɛn a fɛɛn.

Condii lisai 68:8

Òó Hala! Telen n fula ma va kɔlan vanaa nɔmnda laci-o, lɔ́ɔ́ n va kɔlan o lɛŋnde veselɛilen nin-ndo,

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Esai 40:15

Tofa vɔ, vanaa-mangalaa-isɔɔa co ndu o hɔl maa mɛmma tue-tuema deli fulaa o baava lulɛiyo nin-ndan, a co ndu o hɔl maa cundu lusul too, o hoeiye cua-o pɛɛn! Lɛŋii co o mɛnndan tɛɛn-nde ndi co macoaa ndu o hɔl maa cundu yukuyuku sɛŋin coocoo o hoeiye nin-ndo.

Esai 65:16

Vana yeema pɛ le duaa dɔwnɔnndo o lɛŋnden nin, o bɛnda mò sɔla duaa kon Hala toɲaa o ba. Vana yeema pɛ le mɛnanndo o lɛŋnden nin, ndu bɛnda mò mɛnan o diola Hala lo o lediom coo-o. Kani sangala imɔnɔla paandulan la hiawnin, sangala lan la faŋannin ya o hɔl.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Yeremi 4:24

Mí tofa pembon, n va ɲiiyaa, mí mɛɛndian buubuuon kpow, n va hiilɔnndo.

Yeremi 50:46

Telen nda biinin Babilɔn-ndo, lɛŋnden le ɲiiyanin, mì yeelan la soo ba-ba fee vanaa-mangalaa-isɔɔa tɛɛn.

Yeremi 51:29

Lɛŋnden le ɲiiyanin, le hiilunnin a siòònde telen tuu Mɛlɛka-o peelunnin a Babilɔn-ndo. O minginin lɛŋnde Babilɔn-nden lɛŋnde imɔnɔ len, mì vannda piow len.

Yosue 3:10

Mɛɛ niaa sinanin maa Hala kiyɛiyo co niaa tɛɛn, maa ndu toawnin Kanannda, Hitiia, Heviia, Perisiia, Amoriia a Yebusiia niaa laci ni yɛ co hoo ni.

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Condii lisai 9:8

Mɛlɛka co masaa le fɛɛn a fɛɛn ni, o kɛsi kpɛŋɛ ndɔ lemasaa le yamɛi kiolɔɔ.

Condii lisai 74:12

Kabi masindɛ, nɔm Hala co masa nuu ni, nɔm tosa ni mì vannda sɔla baŋaa o lɛŋnden coo.

Condii lisai 76:8

Nɔm kínɛí vannda bɛnda mà vo ni. Taa tuulu pɛ kɔl, nɛɛ nɔla yɛ mò simul nɔm?

Condii lisai 100:3

La sinà maa Mɛlɛka co Hala ni, ndu cɔw naa ni, a ndɔa naa n co ni, vanaa ndɔa pɛɛn, vanaa o co baloo dɔvɔɔ-a.

Esai 40:28

La sina vɔ a ndi o kɔɔ le? La tui-yɔ a ndi o kɔɔ le? Mɛlɛka, Hala fɛɛn a fɛɛn-ndo cɔw mɛɛlula lelɛŋndan ni, o sanga le, o bumbulan te, vana-vana nɔla dɛnɛ ndɔ sinaa yaasiaa le.

Daniɛl 6:27

«Tɔŋ ya yii-yo co hoo ni: O masale nilen kpow nin, vannda bɛnda mà nɔ bɛɛlen a siòònde le Hala Daniɛl-lo, kani ndu co Hala yoomaa ni. Ndu co yoomu le fɛɛn a fɛɛn ni. Masale ndɔlen le tembunin te. Vanabɛnduyɛi ndɔɛi i nɔ lamɛɛlu le.

Nahum 1:5

Mɛlɛka tosa ni mì pembun bɛndon ɲiiya, mì pembun pɔmbɔn piɔsi. Ɲiiyaa lɛŋnden le ɲiiya ndu o hɔl ni, lɛŋnden a vanaa co le coo-a kpow.