Yeremi 10:1 - BII BILA

¹ Israɛlla, la yaŋ nilan o sɔɛi Mɛlɛka co dimio a niaa o kɔɔ-e!

Yeremi 10:1 Referans Kwoze

Dɛnnda cɔɔmuanndan 2:29

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o.›»

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

Amɔs 7:16

Lelan, yaŋ niko nilan o sɔɛi Mɛlɛka dimi-e, nɔm co ya hoo kuunaa aa ya tɛɛnguu sɔɔn Mɛlɛka-on a Israɛlla o kɔɔ loo. Nɔm, a kuuna ya aa ya tombola a cuavaa-imamaa Isaak-a o sondo le.

Osee 4:1

«Niaa Israɛlla sei! La yaŋ nilan o sɔɛi Mɛlɛka-e he. Mɛlɛka co kɔɔsɔɔ a vanaa co o lɛŋnden nden nin-nda. Kani vannda co lɛ lo o lediom coo le. Vanakɛndɛyɛi co lɛ le, vana co lɛ Hala sina maa Hala o lɛŋnden nden nin te.

Yeremi 42:15

mɛɛ la tuei-yɔ sɔɛi Mɛlɛka dimi-e. Niaa vanaa tɔ̀a lo Yuda-a, o Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Te la dimi pɛ aa Esipte niaa kɔa ni, te la kɔɛ pɛ lon le calle,

Yeremi 22:2

Má dimi aa: ‹Nɔm masaa Yuda co icali o kpɛŋɛ lemasa David-o coo-o yaŋnun sɔɛi Mɛlɛka-e, i co vɛlɛ le simlacia nɔmnda a le vannda kpow, a kɛ́-kɛ̀ kei o diolan ndan le luɛyɔɔ o cɛi lemasaa ho nin.

Yeremi 2:4

Yungu Yakɔb-o, la yaŋ nilan o diom Mɛlɛka dimi-o. Niaa yungula fula o cɛi Israɛl-lo nin-ndan, la yaŋnun.›

Esai 28:14

Lelan, niaa vanaa mamaa n'vannda, la yaŋ nilan o sɔɛi Mɛlɛka-e, niaa vanaa co haa Yerusalɛmnda masalen tosaa coo-a!

Esai 1:10

Niaa vanaa bɛndua Sodɔm, la yaŋ nilan o sɔɛi Mɛlɛka-e! Niaa vanaa co Komɔr-a, la yaŋ nilan o tɔŋ Hala naa!

Condii lisai 50:7

Hala co dimio aa: ‹Yungu nuu, la yaŋnun, mì soo. Niaa Israɛlla, i tɛndanin seilen a niaa o kɔɔ, ya co Hala ni, Hala niaa pɛɛn.

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

Yeremi 10:2

O dimi aa: «La tuula vanaa-mangalaa-isɔɔa a kela ndaa le. Siòòŋii bii niaa a tɔɔmaselela co o halataala lan te, kani a nda vanaa-mangalaa-isɔɔa nɔ siòònde taw ni.

Esai 40:18

A Nɛ̀ɛ́-nɛ̀ niaa yeema yɛ mì la tuu Hala? A tuula yɛɛ nɛ niaa tuu yɛnin ndu?

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!