Yeremi 1:9 - BII BILA

⁹ O kon mí Mɛlɛka siɛndi baa, mó pilan ya sondoo, mó dimul-la aa: «Tofa vɔ, i vow sɔɔn nun nɔm o sondo.

Yeremi 1:9 Referans Kwoze

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Luke 12:12

kani Hala Kɔl-Diandaa cɔmnin niaa o niaa bɛnda le dimio-o o telen kon kpafii.»

Esai 51:16

I vow sɔɔn nun nɔm o sondo, mí kuumbuu nɔm a vunduma ba nuu, telen ya va halataalaa tondɔɔ-o, telen ya va lɛŋnden kilaa-o a telen ya va Siɔn dimullo aa: «Vanaa niaa niaa co ni-o.»

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Matie 10:19

Kɛ telen nda kɔanin kon a niaa o fondala kialaa n'yamalan-ndo, la buulan le mɛɛ niaa soaanin yɛ le, la buulan vɛlɛ le ɲɛ niaa diminin-ndo le. O niaa bɛnda le dimio-o kennunnin niaa o telen kon.

Yeremi 5:14

Lelan, diom Mɛlɛka dimi-o co hoo ni, Hala-Nɔ-Kpaayaa-Kpow-vo pɛɛn aa: «Le sɔɛi nda dimi ken-nde, i co sɔɛi nii mingi yinnden nɔm Yeremi o sondo, mì siinguu vanaa kan yɔmnde, yɔmii yinnde len le loamnin-nde.

Esekiɛl 3:10

Mó dimul-la vɛlɛ aa: «Po vanacieo sei, yaŋ nilan ɲɛkɛndɛi o sɔɔn ya dimulnin nɔm-ndon kpow, mà mandan mun o kɔl kpáŋ!

Esai 49:2

Mó siinguu sondo nuu maa mɔɛi luɛyaa, mó siinguu ya maa kɔɛi siɛɛmbiɛi, mó kumbu ya a vunduma ba ndɔɔ, mó vian ya o bɔlɔ n'kɔɔ ndɔɔ nin.

Marke 7:33

Mí Yeesu kɔa nda ndu, má mɛi sɛ́lɔ́ɔ́ lándán, mó kɔ vow ndu suon o lani, mó sui ndu lɔluan o lediɛɛmu.

Kundalan 23:5

O kon mí Mɛlɛka cɔm Balaam mɛɛ o bɛnda le sɔɛi yɛ, mó dimul ndu aa: «Muungu Balak o ibuŋ ma kɔ tɛɛngul ndu sɔɛi he.»

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

Yeremi 36:2

«Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Daniɛl 10:10

O kon, mí ba vanacieo pilan ya, mó cua ya, mí baŋ vulan a balan lɛŋ, mí va ɲiiyaa.

Daniɛl 10:16

O kon mí ɲɛ yoomaa va maa vanaciee-o pilan cɔcɔn nun, mí kumbi sondoo le sɔɛi, mí dimul vana va ya isisi laci-o aa: ‹Maalii nuu, i ɲiiya, siòònde bii ya taw le vundule ya ce len-nden. I fula mayoomu few-few.

Tɔŋ miingua 18:16

Kani lende niaa piɛi lɔ́ɔ́ kon Mɛlɛka Hala niaa paale niaa cuungian o pembei Horɛb bɛngu len ni. Bau mí la dimi aa: ‹N yeema lɛ mì n tuei Mɛlɛka Hala diom le sɔɛi o naa lo sakpo le, n yeema lɛ vɛlɛ mì n ce yinnde bɛndulen nden te, yɔŋii naa n vu.›

Tɔŋ miingua 18:17

O kon, mí Mɛlɛka dimul-la aa: ‹I cɛl sɔɛi nda dimi-e.

Esai 59:21

Mɛlɛka dimi vɛlɛ aa: «Ya yɛ, tofa vɔ kpema ya yii a nda-o. Kɔl nuu co niaa coo-o a sɔɔn niin ya vow niaa o sondo-on faŋannin niaa o sondo le. N feŋannin niaa pila a cuavaa niaa o lasondo le, cuavaa niaa imamaa bɛɛ, n feŋannin nda o lasondo le. Kandɔɔ sisa háá le fɛɛn a fɛɛn.» Mɛlɛka dimi lende ni.

Yeremi 15:19

Lelan diom Mɛlɛka dimi-o co hoo ni aa: «Taa muungu pɛ ya o ibuŋ, i minginin nɔm o baala nuu nin. Taa dimi sɔɔn laasi-laasi le, kɛ mà dimi sɔɔn kɔlkalon, mɛɛ nɔm vanin sondo nuu ni. Yudaa muungunin nɔm o ibuŋ, kɛ o co nɔm te muungunin nda o ibuŋ te.

Yeremi 34:6

Mí Yeremi vana-tɛɛngaa-diom Hala-o dimul Sedekia masaa Yuda sɔɔn mun kpow Yerusalɛm.