Yeremi 1:7 - BII BILA

⁷ Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

Yeremi 1:7 Referans Kwoze

Kundalan 22:20

Icɔllo, mí Hala hun o Balaam ndo, mó dimul ndu aa: «Te le kɔlan niaa ndaa latulu vannda ha hin nɔm kɔɔli ni, mɛɛ cɔn mì la kɔɛ niaa ndaa. Kɛ nduyɛ, ɲɛ ya dimulnin nɔm-ndo daama n bɛnda ma tosa ni.»

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Esekiɛl 3:27

Kɛ telen ya soaanin o nɔm ndo-o, i kumbinin nɔm sondoo, haliko ma dimul nda aa: «Lende Maalii Hala soo ni!» Vana yeemanin le nilan yaŋɔɔ-o ndu yaŋ nilan. Vana vownin sondo le, mɛɛ ndu meinun, kani vanaa nila kalua nda co súú ni.

2Dɛnnda lemasalan 18:13

Kɛ mí Misee muli aa: «Te Mɛlɛka co yoomu, i dimulnin ndu ɲɛ Mɛlɛka dimulnin ya-o!»

1Masaa 22:14

Kɛ mí Misee muli aa: «Te Mɛlɛka co yoomu, i tɛɛngulnin ndu ɲɛ Mɛlɛka dimulnin ya-o!»

Kundalan 22:38

Mí Balaam mulul ndu aa: «Mɛɛ i hin niko. A ce ya. Kɛ sina maa i diminin ɲɛ-ɲɛ ó ya pila nin te, sɔɔn Hala pila vownin ya o sondo-on kínɛí ya diminin ni.»

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

1Masaa 3:7

A toɲa, Mɛlɛka Hala nuu, nɔm ke ya vana nɔm baalaa masalen o fonda David fuɲa ni-o ni. Kɛ nduyɛ, i co vɔ o bɔɔ le, i nɔ vɔ kɔlkalu ya tosa masalen ɲɛkɛndɛi le.

Yeremi 7:27

Nɔm Yeremi, taa cɔm pɛ nda sɔɔn mun kpow, mà yeŋ nɔm lani le, mà yondal nda ma cɛl nɔm diom te,

Esekiɛl 2:7

Mɛɛ ma dimul nda sɔɔn nun, a yaŋ lani, a yaŋ lani le, kani vanaa nila kalua nda co ni.

Amɔs 7:15

Kɛ o cɔlua kan mandaa nin Mɛlɛka cua ya ni, mó dimul-la aa: «Kɔ ma tɛɛngul vanaa nia, a co Israɛlla-a sɔɔn nun.»

Fulaa 6:29

mó dimul ndu aa: «Ya co Mɛlɛka ni. Kɔ dimul Faraɔnnɔɔ, masaa Esipte pɛɛn, ɲɛ-ɲɛ ya soo.»

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 43:1

Telen Yeremi cii vannda kpow sɔɔn Mɛlɛka Hala ndaa dimul ndu-on tɛɛngul-lo, sɔɔn Mɛlɛka Hala ndaa ndóò dimul ndu mun le nda kpow-von pɛɛn,

Yonas 3:2

«Cɔm mà kɔɛ o kobi bɛndoo Ninive nin, mà kɔ tɛɛngul nda yoongu ya sɔɔ nɔm o sondo-o.»