Yeremi 1:5 - BII BILA

⁵ «Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Yeremi 1:5 Referans Kwoze

Condii lisai 139:16

Telen yáà nɔ vɔ bɛɛ hɔlaa ivanacieeya loo, nɔm óò cii nin ya cɔ. Dialun nun mún cownún-ndɔ le, ma sɛva pɔɔ palɛi kelun le yoomu nuu-e o sɛbɛ nɔmndo nin.

Esai 49:1

Niaa lɛŋii co o mɛnndan tɛɛn-nde, la yaŋ nilan! Niaa co kɔɔli-kɔɔli-a, la tuei-yɔ! Kabi o violɔn nuu Mɛlɛka veelu ya ni, mɛɛ ya fula dɔ́ɔ́ kala nuu o dembe, mó ke ya diolan.

Rɔmnda 8:29

Kani vanaa Hala síná paandu pa-a, nda o toosiaa le siŋnɔnndo maa velan Po ndɔɔ ni, haliko mo va Po tasoo puapilɛa taw tɛɛn.

Esai 49:5

Sunsun, Mɛlɛka co sɔɛi, o toosiaa ya kabi o violɔn nuu le siŋnɔnndo vana ndɔ baalaa-o, le cuavaa Yakɔb-a mingio ndu o ibuŋ a le cuavaa Israɛlaa co vɔ a sɛŋiannda-a mingio o ndu lo-o, kani ya Mɛlɛka ke bɛɛle len ni, nduyɛ Hala nuu co yoomuma niaan ni.

Esai 44:2

Mɛlɛka toosiaa niaa-o, vana cɔw niaa kabi o dembelan nin mó va niaa malaa-o dimi aa: «Siòòŋii bii niaa le ɲɛ-ɲɛ le, niaa cuavaa vana ni baalaa Yakɔb-a, niaa polale Yesurun-nde ya hɛli len.

Luke 1:41

Lɔ́ɔ́ Elisabɛt tuei yilɔɔ Mari-o-o, mí cɛlɛkpɔɔ biiŋun ndu o dembe. O kon mó pia a Hala Kɔl-Diandaa,

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Fulaa 33:17

O kon, mí Mɛlɛka mulul ndu aa: «Le cɔ ya ce nɔm ɲia mí hɛli nɔm-ndo, i cɛl le sɔɛi n dimul-la-e tosaa.»

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Fulaa 33:12

Mí Moise dimul Mɛlɛka aa: «Tofa vɔ, a dimul-la aa ya kɔ a vannda ha, kɛ a cɔm ya vana n co vomɔɔ le naa liilaa-o le. Nduyɛ nɔm pila dimul-la ni maa a hɛli ya má ca ya ɲia taw.

Luke 1:15

Kani vana tɔ́ɔ́ bɛndoo o vanin Mɛlɛka o hɔl ni. O kolnin mamɔi te kon te ɲɛ-ɲɛ hiŋ vana lahɔl te. O lonin kala ndɔ o dembe mò pɛ a Hala Kɔl-Diandaa.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Yeremi 50:34

Kɛ ya vana soaa le nda-o, i nɔ kpaayaa. Ya co Mɛlɛka-Nɔ-Kpaayaa-Kpow-vo ni. I co isɔɔ le nda válán, mì kɔlɲuloo sɔlan o lɛŋnden coo, o kon mì Babilɔnnda ɲiiya.

Efɛsea 1:22

Mó kɛsi ɲɔɔn kpow ndu o labɛngunin, mó siinguu ndu vana lebollo le vanaa laalannda,

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

1Korɛntea 8:3

Kɛ te vana kaola pɛ Hala, Hala sínà vana kon.

Condii lisai 139:15

Telen n va ya cɔvɔɔ o vionnɔnndo nin, ma va ya mɔɔsiaa kala nuu o dembe-o, dialun nun n ve n vianaa le nɔm te.

Yeremi 1:4

Mí diom Mɛlɛka-o dimulun ya aa:

Yeremi 25:13

I cuunin dɛnnda palaala ya dimi lan kpow o lɛŋnde len coo, la co lasɛvaalan o sɛbɔɔ ho nin-ndan, la Yeremi vana-tɛɛngaa-diom Hala-o dimi le vanaa-mangalaa-isɔɔa kpede lan pɛɛn.

Yeremi 36:2

«Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Yeremi 20:15

Dangaa co le vana kɔ pei fuɲa nuu ɲaaloo o kɔl, mó dimul ndu aa: «Hɔ́ɔ́ piaandoo vilun nɔm»-ndo!