Yeremi 1:17 - BII BILA

¹⁷ Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Yeremi 1:17 Referans Kwoze

1Masaa 18:46

Mí Mɛlɛka luei Elii yoomuan, mó yiinun yáwlen o caŋ, mó va Akab ɲaanɔnndo laci háá Yisreɛl ciee-lekɔɔ.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

Luke 12:35

«La yiinun yawve le vallo, mì la va a bɛɛndiannda, mì fitinala niaalan la va la mɛndulaa.

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Fulaa 7:2

Sɔɛi-sɔɛi ya dimul nɔm pɛ, nɔm tɛɛnguu ndi o Aarɔn bɛ nɔm ndo. O kon, ndu kɔ soo niko o Faraɔnnɔɔ lo haliko mo mal Israɛlla faŋanndo o lɛŋnde ndɔlen nin.

SƐBƐ YƆB-O 38:3

Sim yili! Tosa vanapɔnɔyɛi! I co nɔm ɲuuniaa, ma kindi ya kɔl.»

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Fulaa 3:12

Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»

1Korɛntea 9:16

Nduyɛ, vannda Yoongu Kɛndɔɔ tiiyallo, kon co dɛnɛ kuundian le ya le, kani lelan ya sɔla veeloo ni. Dɛnɛ palaa co le ya, te i tiiyal vannda Yoongu kɛndɔɔ le.

Yonas 3:2

«Cɔm mà kɔɛ o kobi bɛndoo Ninive nin, mà kɔ tɛɛngul nda yoongu ya sɔɔ nɔm o sondo-o.»

Yeremi 17:18

Vanaa co ya yɛlen tollo-a siɛmbulan láà bɛnda le biyɔɔ ni, kɛ o co ya le. Ndáà bɛnda le ɲiiyaa a siòònde ni, kɛ o co ya le. Tuisi paale dɛnɛ palaalen nda coo, mà tɛɛmbuu nda kpede.

2Masaa 4:29

Mí Elise dimul Kehasi aa: «Yiinun yáwlen o caŋ, mà bii tinda nuu o ba, mà kɔɛ. La bɔŋan bɛɛ niaa vannda, yil nda le. Vana yil vɛlɛ nɔm bɛɛ, muli le. A tiiya pɛ, a kɔ keeliaa tindaa poombɔ kalaa o hɔl.»

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

2Masaa 1:15

Mí mɛlɛkanɔ Hala-o dimul Elii aa: «La tol niaa ndu latulu, siòòŋii bii nɔm a ndu le.» O kon, mí Elii can, mó toal nda ndu o masaa lo.

Yeremi 1:18

I kɛsi nɔm hau lɛŋnden nden kpow coo maa kobi kpaaya bɛndu, maa sungbule icilin, maa kpaki n'daɲa masaa Yuda kpow coo, simlacia ndɔa kpow, vanaa-solia-lasálàà ndɔa a vanaa co o lɛŋnden nin-nda coo.

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 26:12

Kɛ mí Yeremi dimul simlacia a sɛ́lɔ́ɔ́ kpow aa: «Mɛlɛka vem ya sɔɔn niaa tuei ya dimio a Cɛiyo ho o kɔɔ a á kobio ho o kɔɔ-on ni.

Yeremi 36:8

Mí Baruk po Neriya-o tosa mɛɛ Yeremi vana-tɛɛngaa-diom Hala-o ndóò dimul ndu yɛ, mó yonda sɔɔn Mɛlɛka-n va o sɛbɛ simbulaa nin-ndon kpow o Cɛi-Mɛlɛka-o nin.

Cɛɛŋɔnnda Yeremi lan 3:57

Paale ya veelu nɔm le ya malaa len, má sɔɔnguu, má dimul-la aa: ‹Yɔŋ isiòòn te.›