Yeremi 1:16 - BII BILA

¹⁶ I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

Yeremi 1:16 Referans Kwoze

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Dɛnnda kiilaa 7:41

O kon má toosiaa naw téndóó, má solul piɔm kon sálàá, má dɔawnun ɲaale le ɲɛ nda pila cɔwnun kon a laba-o.

Esai 2:8

Lɛŋnden ndalen le pɛ a piɔmnda, a co vulan baŋɔɔ ɲɛm nda cɔw a bala ndalan-ndon o labɛngunin, ɲɛm nda toosiaa a sun ndan-ndon pɛɛn.

Tɔŋ miingua 28:20

Mɛlɛka tuisinin dangaa, kɔl yulan-yulanndo a dɛnɛ laasiɛiyo niaa coo o valta niaa vanin tosaa lan nin. La lonin lende háá mì la cuu vu, mì la keleŋa ɲum cɔ́-cɔ́, le faŋan niaa faŋannin ya o ibuŋ mì la luɛi dɛnnda kɔlvesɛilan tosaa-o.

Osee 11:2

Kɛ mɛɛ ya va Israɛlla veeloo faw, lende nda va kɔnndan ya levil. A va Baal sálàlan solullo, a va ansan lomɔɔ le halaa fondoa.

Osee 8:6

Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 17:13

Mɛlɛka, nɔm co kɔlkɛsiaa Israɛlla ni! Màá siɛmbulan la bii vanaa kɛɛ nɔm-nda kpow! Diola vanaa co nɔm kɔɔ mulullo-a kpow la co lasɛvaalan o cundoo nin, kani a kɛɛ nɔm Mɛlɛka co soon mɛmma cindaa-o.

Yeremi 4:12

Hoeyii fùkù-fùkùi bɛnduei cɛn ndon, mí tiiya háá o ya lo dí-e pɛɛn. Lelan ya co yamɛi ndɛi kiolɔɔ ni.»

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

Yosue 24:20

Te la mal ndu pɛ, mì la sooluu halaa celen, o mululunnin niaa, mò saangiaa niaa, mò diw niaa.»

Tɔŋ miingua 31:16

Mí Mɛlɛka dimul Moise aa: «Má cè nɔm hunɔɔ fuɲaa nɔmnda diomɔɔ ciee-piɔ́m! Te nɔm vi pɛ, vannda co lakɔ laasian ma soolu halaa fondoa o lɛŋnde nda co lakɔ luɛyɔɔ nin-nden nin. A faŋannin ya kɔɔli mà tɛɛmbuu kpema ya yii a nda-o.

Esekiɛl 24:14

Ya Mɛlɛka soo nuaa ni, i tosanin ɲɛ ya dimi-o, i peelunin sɔɛi nii, i mɛinin ɲɛ-ɲɛ le tosaa le, ɲíí biinin ya le, mɔnɛi biinin ya le. Yamɛi nɔmnde kialunnin mɛɛ kelala nɔmndan a dɛnnda nɔmndan la co yɛ!» Sɔɛi fula Maalii o sondo-e co ken ni, Mɛlɛka pɛɛn.

Yeremi 51:17

Vannda kpow a sim silɔn, a dɔwnun kɔndɔfili, a bii ɲɛ-ɲɛ bila le. Siɛmbulan la bii vanaa teengiaa cilinndon má toosiaa piɔmnda-a, kani ɲɛ fondoo fúú piɔmaa kan co ni, a yoomu le.

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Yeremi 15:6

Sɔɛi fula Mɛlɛka o sondo-e co hee ni aa: «Nɔm kɛɛ ya ni má mulul-la kɔɔ. Lelan ya cɛn ni mí hol nɔm baa le nɔm tɛɛmbuuo, kani i sanga nin a nɔm ɲííye tuinɔnndo.

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 11:12

O kon Yudaa a Yerusalɛmnda mulinnin o halaa ndaa nda solul sálàlan-nda lo, kɛ a baŋanin nda a dɛnnda ndala palaalan te few.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Yeremi 4:28

Lelan le co o mɔnɛi nin ni, mì halataala coocoo piimiaa, kani i cii dimi, lende ya kelu le tosaa ni, mɔnɛi biinin ya le kon tosaa le, i mangalanin diom kon te.»

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Esai 65:3

Vannda ha co ya tiŋɔɔ a ya kɔllo tuuloo tuŋ-tuŋ, a co sálàlan solio o nakɔlan nin, a co lasikɔlɔ ansan lomɔɔ o kpilikion coo.

Esai 44:15

Nduyɛ, yɔmii ken vanacieo pila tingu vɛlɛ le lemɔɔ ni, ndi o cua i tiŋ le hangɔɔ ni, a ndi o ciŋa yinnden le buloo lomɔɔ ni. Yɔmii ken koni vaanaciee pilɛ kon cua vɛlɛ ni, mò sɛl hala a ndi, mò sooluu hala kon. A ndi o cɔaw piɔmndo ni, mò baŋ vulan piɔm kon o labɛngunin.

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

2Dɛnnda lemasalan 15:2

mó kɔa o Asa lo, mó dimul ndu aa: «La yaŋ ya nilan, nɔm Asa, Yudaa a vanaa fula o polale Bɛnyamɛn-nden nin-nda! Te la co vɔ pɛ Mɛlɛka o ibuŋ, mɛɛ ndu bɛɛ vanin a niaa. Te la nuwviaa pɛ ndu, o cɔmnunnin niaa, kɛ te la mulul pɛ ndu kɔɔ, ndu bɛɛ mululnin niaa kɔɔ.

2Dɛnnda lemasalan 7:19

Kɛ te la mulul-la pɛ kɔɔ, mì la bìí tɔŋnda nilan a silala ya yɔngu niaa lan te, te la sooluu pɛ halaa celennda, mì la baŋ vulan nda o labɛngunin,

Yɔɛl 2:11

Mɛlɛka mal diom ndɔɔ kpélén vanaa cɔwva laci. Vanaa ndɔa cɔwva co sɛ́lɛ́ taw-taw. Kani vana co sɔɛi o dimi-e tosaa-o nɔ kpaayaa taw. Bau paale Mɛlɛka len le co bɔɔ paale bɛndu. Le co bɔɔ paale kpundɛle bɛndu. Nɛ̀ɛ́ nɔla yɛnin mò yulu dɛnɛ kon paale len?

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Yeremi 2:28

Kɛ ya bɛɛ, i mululnin nda aa: ‹Kuɛɛ nɛ halaa niaa niaa toosiaa-a co yɛ? Taa nɔla pɛ, mɛɛ a cɔn niko mà faŋa niaa dɛnɛ palaa coo. Mɛɛ niaa nɔ kobilan yɛ koni niaa nɔ halaa ni, Éé niaa Yudaa!›

Yeremi 10:3

Kani ɲɛ fondoo fúú naamula vanndacieea la co ni. A kelu pɛ yɔmndo o bundɔɔ nin, vana caa baala labaa-o tosa ndu baala a cuei,

2Dɛnnda lemasalan 28:2

Mí ndu bɛɛ kela o nɛila masaa Israɛl coo, mó teengiaa cilinndon, mó cɔaw piɔmnda le Baal sooloo.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 7:17

Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.

Esekiɛl 16:18

Má cua volɔɔla nɔmnda sɔɔlaalan, má kuumbuu nda a lan, má solul nda sálàlan a cuɛima nian a á lasikɔlɔ cun kɛndɛ nuu.