Yeremi 1:15 - BII BILA

¹⁵ Kani i co vanaa-mangalaa-isɔaa co o masɛi co a ba luaŋ-ndo nin-nda veelu. Sɔɛi fula ya Mɛlɛka o sondo-e co ken ni! A hunnin kpow mì vana-vana kɛsi kpɛŋɛ lemasa ndɔɔ o diolan Yerusalɛm sondoo, o sungbule kpakio balɔɔ sɔ́ a o kobila Yuda lan kpow balɔɔ.

Yeremi 1:15 Referans Kwoze

Yeremi 43:10

O kon mà dimul Yuifia aa: «Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co vannda vomɔɔ Nebukanɛsar masaa Babilɔn vana ni baalaa kɔɔli, mì kɛsi kpɛŋɛ ndɔ lemasaa o powta ya kumbu lan-ndan coo. O fondaa ho o toandunin cɛi-kola-toandaa ndɔɔ ni.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 4:16

La yiyalan vanaa-mangalaa-isɔɔa sɔɛi ken, mì la cɔm Yerusalɛm ndi aa: ‹Vanaa del vannda coo-a co hunɔɔ fulaa nɛɛ levil, a co yondaa a sɔɔn vɔɔnndon dimio a kobilan Yuda.

Yeremi 39:3

Mí simlacia masaa Babilɔn kpow: Nɛrkal-Sarɛsɛr, Samkar-Nebu, Sarsekim bolle vanaa nda tɛnda bosio-a, Nɛrkal-Sarɛsɛr simlacinɔ kaasoŋaa kɔlkalua, a simlacia tɔ̀a masaa Babilɔn-nda kpow a luɛi, má kɔ cal o dio va tɛɛn-ndo.

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Esai 22:7

Bólta nɔmnda hiow naŋɔɔlan la pɛ cá a ɲɛla ɲaanannda soa nan-ndan. Vanaa ɲaanun a soa-a co isisi a polan o diola luɛyaala nɔmndan le cɔwvo.

Cɛɛŋɔnnda Yeremi lan 5:11

Vannda co vanlaandua Siɔn kpuuvia, à co cuaambɔa lemboa laasiaa o kobilan Yuda nin.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 25:28

Mó dimi vɛlɛ aa: «Te vannda pum kɛɛ pɛ le nɔm taala kon biyɔɔ o ba le kolɔɔ, a dimul nda aa: ‹Mɛlɛka-Nɔ-Kpaayaa-Kpow-vo dimi maa la kɛɛ, la cɛl, kolɔɔ niaa co lenin ni.›

Yeremi 10:22

La yaŋ ndɔ nilan! Diomndo co fulaa, vɔkɔ-vɔkɔ bɛndoo co sɔɛi fulaa a ba luaŋ-ndo, le hunɔɔ kobila Yuda lan mingio pɔmndan, nɛɛ bɛ̀mɛ́lta tivolla la vanin-nda.

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Yeremi 5:15

Mí Mɛlɛka dimi aa: «I co vanaa-mangalaa-isɔɔa cuu fulaa nɛɛ levil, má hun del niaa coo, niaa yungu Israɛl-lo pɛɛn. Vanaa-mangalaa-isɔɔa kpaayaa nda co ni, a masindɛa pɛɛn. Vanaa niaa sina sɔɛi ndɛi le-a, a niaa bii sɔɛi ndɛi bila le-a.

Yeremi 4:6

‹La heelu tɔɔmasele yonda cɔwvo a ba Siɔn-ndo, la ɲaanun, la sim te dɛ! Kani i co dɛnɛ palaa a sanga bɛndoo cuu fulaa a ba luaŋ-ndo.

Yeremi 13:20

Yerusalɛm heelu vɔ hɔlla mà tofa, yaamɔaa nɔmnda co hunɔɔ fulaa a ba luaŋ-ndo-a. Ɔ́ɔ̀ cɔlua kundaa ya yɔngu nɔm mandaa-a? Ɔ́ɔ̀ saa n va cɔmnɔnndo-a?

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa:

Yeremi 46:24

Siɛmbulan la bii Esipte fɔ: o del masale fula a ba luaŋ-ndo len o ba.»

Esekiɛl 32:30

Tofa vɔ, simlacia co o lɛŋnde co a maluaŋ-nden nin-nda kpow a Sidɔnnda kpow a tol ciee-piɔ́m lon vanaa nda diw-va tɛɛn. A siòòŋii bɛndui nda va ken vannda lueiyo a yoomuma ndan-nde kpede, siɛmbulan la tol vanaa dii kan tooma le-a, a co ihini (a vílɛ́iya) nda vanaa vi o cɔwvo-a latulu. Siɛmbula ndalan la co nda coo nda vanaa co tolɔɔ o puuloo bɛngu lɛŋ di-di-a latulu.

Yɔɛl 2:20

I co yaamɔɔ fula a ba luaŋ-ndo-o faŋa niaa ikɛi polon. A toɲa, i toawnin ndu o poli vesɛi niŋ tɔlɔɔ loo nin. I viawnin vanaa cɔvaa co ndu laci-a o mɛmma ihɛlma co a ba paalen le can-ndo-an nin, mì viow vanaa cɔvaa co ndu kɔɔli-a kpengii mɛmma ihɛllan Mediteranee. Lon nda solinin hoeyii ndɛi cun vɔɔnde ni. Lon cun nda siovɛiyo tiwnin ni kpede. Kani a tosa bɔɔ dɛnnda bɛndulan.

Sakari 6:6

Mí soa tiŋia va kɔlan a ɲɛ ɲaanan ndaa nanɔɔ a ba lɛŋnde co a maluaŋ-nden. Mí soa humbua va kɔlan a ba paalen le del-lo a ɲɛ ɲaanan ndaa nanɔɔ, mí soa pooɲɛiya va kɔlan a ba too.