Yeremi 1:13 - BII BILA

¹³ Mí diom Mɛlɛka-o dimulun ya o diinndɔɔ aa: «Yɛɛ n co yɛ cɔu?» Mí muli aa: «Kpɛɛnɛi co ŋolɔɔ-e ya co cɔu ni, i coŋ a ba luaŋ-ndo (mí muli hɔlla a too.)»

Yeremi 1:13 Referans Kwoze

Esekiɛl 11:7

Lelan la tuei-yɔ mɛɛ Maalii, o co Mɛlɛka-o soo yɛ, o dimi aa: Vanaa niaa niaa diw mí la mɛli nda o kobio ho nin-nda, nda co vision ni. Kobi kalaa yɛ niko, ndu co kpɛɛnɛi ni. Kɛ niaa, a co niaa soli lenin.

Esekiɛl 11:3

Nuaa nda co dimio ni aa: ‹N co keleŋa lacɛi tangul te. Kobio ho, kpɛɛnɛi o co ni, naa n co lenin nda vision naa n co ni.›

Sakari 4:2

Mó ɲuna ya aa: ‹Yɛɛ nɛ n co yɛ cɔu?› Mí muli aa: ‹Ɲɛ kɛsiaa lafitina cɔwnun kpow a sianion-ndo ya co cɔu ni. Kpufɔɔ co o bolle ndɔlen coo déŋ. Fitinalan la co lecoo tan ŋɔmmɛw a kolikolima cuɛiyan ma kei nin-ndan man ŋɔmmɛw, le fitinala co lan lecoo lan.

O Kandɔɔ 41:32

Taa ce pɛ má sɔl lɔan man sala tiɔn, kon co cɔmndo ni maa Hala cii dɛnɛ kon kiolɔɔ kpali, fɔ mò yɔŋnun kangalan. O viw lɛnin le ɲɛ o kelu kon-ndo tosaa le.

Yeremi 24:3

Mí Mɛlɛka ɲuna ya aa: «Yeremi, yɛɛ nɛ n co yɛ cɔu?» Mí mulul ndu aa: «Vooson ya co cɔu ni, naŋɔɔ pila n naŋ-ndon naŋ ni, n niŋ toon yɛ, vana nɔla bɛɛ mun dioo le, kani n tambu bɔɔ.»

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

Esekiɛl 12:28

Lelan, dimul nda aa: «Nuaa Maalii Hala soo ni aa: sɔɛi-sɔɛi ya co dimio, i peelunnin ndi, o venin a lɔ́ɔ́ le. Ya Maalii, ya co Mɛlɛka-o soo nuaa ni.»

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.