Yeremi 1:12 - BII BILA

¹² Mí Mɛlɛka dimul-la aa: «A caa cɔ! Kani i co sɔɛi nii keleŋa peelu.»

Yeremi 1:12 Referans Kwoze

Esekiɛl 12:28

Lelan, dimul nda aa: «Nuaa Maalii Hala soo ni aa: sɔɛi-sɔɛi ya co dimio, i peelunnin ndi, o venin a lɔ́ɔ́ le. Ya Maalii, ya co Mɛlɛka-o soo nuaa ni.»

Esekiɛl 12:25

Kani ya co Mɛlɛka ni, sɔɛi ya nɔ le dimio-e ndi ya diminin ni, sɔɛi peelunnin a lɔ́ɔ́ lei. O palɛi niɛi he nin, niaa vanaa nila kalua ha, i diminin sɔɛi mì peelu ndi lende. Ya Maalii, ya co Mɛlɛka-o soo nuaa ni.»

Luke 10:28

O kon, mí Yeesu mulul ndu aa: «A bɛɛndiaa muli, tosa lende mà sɔla cindaa.»

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Tɔŋ miingua 5:28

Tuma niaa va ya sɔɛi ken dimullo-o, mí Mɛlɛka tuɛi. Mó dimul-la aa: ‹I tuei sɔɛi vannda ha dimul nɔm-nde, sɔɛi-sɔɛi nda dimi, i bɛnda.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Tɔŋ miingua 18:17

O kon, mí Mɛlɛka dimul-la aa: ‹I cɛl sɔɛi nda dimi-e.

Luke 20:39

O kon mí vanaa pɛɛkaa latɔŋnda pum dimul Yeesu aa: «Vana bɛndoo, a caa sɔɛi dɛ.»

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

Yeremi 1:13

Mí diom Mɛlɛka-o dimulun ya o diinndɔɔ aa: «Yɛɛ n co yɛ cɔu?» Mí muli aa: «Kpɛɛnɛi co ŋolɔɔ-e ya co cɔu ni, i coŋ a ba luaŋ-ndo (mí muli hɔlla a too.)»

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

Yeremi 24:3

Mí Mɛlɛka ɲuna ya aa: «Yeremi, yɛɛ nɛ n co yɛ cɔu?» Mí mulul ndu aa: «Vooson ya co cɔu ni, naŋɔɔ pila n naŋ-ndon naŋ ni, n niŋ toon yɛ, vana nɔla bɛɛ mun dioo le, kani n tambu bɔɔ.»