Yeremi 1:10 - BII BILA

¹⁰ I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Yeremi 1:10 Referans Kwoze

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

Esekiɛl 36:36

Vanaa-mangalaa-isɔɔa lonin niaa a balaa pindo-a sinanin maa ya Mɛlɛka, i mingi ɲɛ va o kombɛiyo-o tangul, mí mingi ɲɛ va o tambɛiyo-o tɔlɔɔ. Ya Mɛlɛka dimi lende ni, nduyɛ i peelunin diom ya dimi-o.»

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Esekiɛl 32:18

«Po vanacieo sei, somisomin sɛ́lɛ́ bɛndoo Esipte coo. Tuisi nda a cuavaa vanaa-mangalaa-isɔɔa kpaaya bɛndua latulu o puuloo bɛngu lɛŋ di-di, nɛɛ vanaa co tolɔɔ o soon yingilaa nin-nda co-a.

Esekiɛl 43:3

Vundule ya ce len-nden léè velan a vundule yáà ce lɔ́ɔ́ yáà hin le kobio tɛɛmbuuo-o len, vunduma miɔmma man maa velan a vundule yáà ce o peo Kebar kɔngɔ len. Mɛɛ ya ce len, mí del lɛŋ o kuumbuan o kɔl coo.

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Yeremi 25:13

I cuunin dɛnnda palaala ya dimi lan kpow o lɛŋnde len coo, la co lasɛvaalan o sɛbɔɔ ho nin-ndan, la Yeremi vana-tɛɛngaa-diom Hala-o dimi le vanaa-mangalaa-isɔɔa kpede lan pɛɛn.

Yeremi 31:40

Ból vanvílɛ́iya a ból lapullo kpede, keiyo a fondala helaalan kɔlan fulaa a bóllo Sedrɔn, kɔlan tiiyaa háá o sɔngilen o Dio-soa a ba paalen le can-ndo kpow vanin le Mɛlɛka ni. Ɲɛ-ɲɛ faŋan ndɛnin lecoo le, ɲɛ-ɲɛ sungun ndɛnin le fɛɛn a fɛɛn te.»

Yeremi 36:2

«Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Yeremi 44:27

I co nda tolɔɔ kɔɔli, o venin le nda dɛnɛ kɛndɛ tosal te, kɛ le o vɔɔndo caŋɛi. Yudaa co Esipte-a kpow a cuunin o mɔɛi cɔwve bɛngu, te kon te a yima fofolan. Hali vanndo ndu pilɛ o lonin yoomu le.

Yeremi 45:4

Lelan diom Mɛlɛka dimul-la le nɔm-ndo co hoo ni aa: ‹I co ɲɛ ya tangul-lo komba, mì sungu ɲɛ yáà tɔl o lɛŋnden kpow nin-ndo.

Esekiɛl 21:19

Lelan, nɔm Po vanacieo, tɛɛnguu diom Hala-o, tuu balan mà lɔɔ lepilɛ, lediin háá bɛmbɛ leyáá. Mɔɛi cɔvii diyaa n'vannde i co ni, mɔɛi cɔvii co le sɛ́lɛ́ bɛndoo diyɔɔ-e, i diwnin nɛɛ-nɛɛ ka.

Esekiɛl 23:36

Mí Mɛlɛka dimul-la aa: «Po vanacieo sei, a kialunin pá yamɛi Ohola nda Oholiba-e? Tɛɛsial nda dɛnnda nɔɔlɛila nda tosa lan kpow,

Osee 6:5

Lelan ya co kei a vanaa-tɛɛngaa-diom Hala-a ni, mì tuisi niaa sangalan coo. Lelan ya diwnin niaa a sɔɛi fulanin ya o sondo-e ni. Yamɛi nii tenganin vakpa maa ɲɛ-tengaa lepala.

Vana Kɔlkaloo 3:3

Telenndo co le diyɔɔ, telenndo co le singio, telenndo co le puusiaa, telenndo co le tangullo.