Yeremi 1:1 - BII BILA

¹ Sɔɔn Yeremi, po Hilkiya, va vana-solia-lasálà pilɛ Anatɔt, o tàndá Bɛnyamɛn-ndo nin-ndo dimi-on yɔŋnun mun ni.

Yeremi 1:1 Referans Kwoze

Esekiɛl 1:3

mí sɔɛi Mɛlɛka-e dimulun ya Esekiɛl, po Busi va vana-solia-lasálàá o lɛŋnde Babilɔnnda nin, o peo Kebar kɔngɔ-o, lon ba Mɛlɛka-o tol-la coo ni.

Yeremi 11:21

Lelan ɲɛ Mɛlɛka dimi a vannda Anatɔt o kɔɔ-o co hoo ni, a yeema le ya Yeremi diyɔɔ-a, nda dimi ni aa: «Tɛɛngul naa isɔɔ o diola Mɛlɛka lan te, yɔŋii naa n dii nɔm.»

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

1Dɛnnda lemasalan 6:60

Hukɔk a yondola balu ndu lan, Rehɔb a yondola balu ndu lan.

Amɔs 7:10

O kon mí Amasia, ó va vana-solia-lasálàá Betɛl-lo yaa congɔnndo o Yeroboam va masa Israɛlla-o lo, le ndu dimullo aa: «Amɔs yii nɔm dúmbú cuavaa Israɛlla tɛɛn. Lɛŋnden le cɛl lɛnin le nilan yaŋɔɔ o sɔɔn o co dimio-on te.

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Esai 1:1

Vundule Esai, po Amɔt-o ce o dɛnɛ tàndá Yuda-o coo a o kobio Yerusalɛm coo len. Dɛnnda lan la cɔmnun ndu o palɛi masaa Osias, masaa Yotam, masaa Ahas a masaa Esekia a va masalen tosaa o tàndá Yuda-o coo-e nin.

Esai 2:1

Sɔɛi dimulun Esai po Amɔt-o le tàndá Yuda-o a le kobio Yerusalɛm o kɔɔ-e yɔŋnun hee ni:

Matie 2:17

O kon mí sɔɛi Yeremi vana-tɛɛngaa-diom Hala-o dimi-e i peelun aa:

Matie 16:14

Má muli aa: «A pum co dimio aa Nsaŋ Vana-yinaa n co ni, a pum nda co dimio aa Elii, a pum nda co vɛlɛ dimio aa Yeremi, te kon te aa vana-tɛɛngaa-diom Hala-o pum n co ni.»

Matie 27:9

O kon mí sɔɛi Yeremi, vana-tɛɛngaa-diom Hala-o dimi-e i peelun aa: «Má cua volin latámán beleyaa, maa mɛɛ Israɛlla kelu vɔngu ndɔɔ yɛ,

1Masaa 2:26

O kon kɔɔli, mí masaa Salomɔn dimul Abiatar vana-solia-lasálàá aa: «Kɔnnun Anatɔt o nɔm ndo, kani nɔm óò bɛnda mì nɔm óò sɔla hau piɔ́mndo. Kɛ i co nɔm diyɔɔ le, bau telen David fuɲa ni va masaa-o, má kɔa a kesu kpema Maalii-o, o co Mɛlɛka-o ndu o hɔl, má sanga vɛlɛ fuɲa nuu kɔɔli o sangala kei ndu coo lan kpow nin.»

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

2Dɛnnda lemasalan 36:12

Mó tosa ɲɛ bɛnda Mɛlɛka Hala ndɔɔ o hɔl too. O ci sɔɔn Yeremi vana-tɛɛngaa-diom Hala-o va ndu tɛɛngullo o diola Mɛlɛka lan-ndon ɲɛ-ɲɛ le.

Ɛsdras 1:1

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Esai 10:30

Niaa vanaa co icali Kalim-nda, la koŋul coocoo kpélén! Niaa co Lais-a, la yaŋ nilan! Niaa vannda Anatɔt taanin!

Yeremi 29:27

Le yɛɛ nɛ niko a dimi ɲɛ-ɲɛ a Yeremi fula Anatɔt-o le? Kani o co dimio aa vana-tɛɛngaa-diom Hala-o o co ni.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Ɛsdras 2:23

vanpiaandua fula Anatɔt-a va kɛmɛ bidiin a à ŋɔmaa (128),

Yeremi 30:1

Mí Mɛlɛka soaa o Yeremi lo, mó dimul ndu aa:

Yeremi 37:12

mí Yeremi yeema le malɔɔ Yerusalɛm, haliko mi ndóò kɔɛ o tàndá Bɛnyamɛn-ndo nin, mì ndóò kɔ sɔla lɛŋnden lendɔlen kɛ́ɔ o vanaa ndɔa lo.