Tite 3:6 - BII BILA

⁶ Kani Hala sɛŋi naa Kɔl-Diandaa kon coo o diola Yeesu Krista Vana Ciindiaa naa,

Tite 3:6 Referans Kwoze

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Dɛnnda kiilaa 10:45

Mí vanaa laalaŋaa fula Yuifia tɛɛn, má liila ndu-a dɔawnun kɔndɔfili taw le cɔ nda ce mí Hala Kɔl-Diandaa toal vanaa ve N'Yuifi le-a coo-o.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Nsaŋ 16:7

Kɛ nduyɛ, toɲaa ya co niaa dimullo ni: o co fisa le niaa mì kɔɛ, kani te i koe le, vana ɲɔɔlaa hinnin o niaa lo le, kɛ te i kɔɛ pɛ, i kɔ yɔŋ niaa ndu.

Nsaŋ 1:16

Mí naa kpow n sɔla duaa o kɛndɛi ndɔɛi nin, duaa o duaa coo,

Talelan 1:23

La muungu ya o ibuŋ, mì la tuei kanalannda nilan. La tofa vɔ, i saŋnin kɔl nuu niaa coo, i cɔmnin niaa sɔɔn nun.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Dɛnnda kiilaa 2:33

Mí Hala heelun ndu ikɛi, mó kɔ kɛsin ndu o ba kɛndɔɔ coo, mó sɔla Hala Kɔl-Diandaa, o Hala ndóò yii kpemaa-o pɛɛn. Mí ndu Yeesu sɛŋi naa ndu coo. Ndu niaa co cɔu mì la va tueyɔɔ sunsun nuaa ni.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Esai 32:15

Ɲɔɔ lonin lende háá mì yiyan pum fula coocoo mò hun saŋnun naa coo. Mì lɛŋnde veselɛilen le siŋnun yondo kalaa, mì yondo kalaa cennun maa bundɛ.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.