Biblia Todo Logo
Bib sou entènèt

- Piblisite -




Tite 3:2 - BII BILA

2 A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

Gade chapit la Kopi




Tite 3:2
35 Referans Kwoze  

Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.


La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.


o yɔngún mɔiyan te, o va vana lacɔlɔba le, kɛ mò va vana cii sɔngɔlan-ndo a vana kɔlɲuloo. O va vana nɔ hɔlte ɲɛ-sɔlaa-o le.


Kani o co o sɛvaa-o co hoo ni aa: «Vana yeema pɛ le yoomoo kaolaa, mò yeema le palɛi dɛnɛ kɛndɛi cɔu, ndu bɛnda mò manda diɛɛmule ndɔlen le dɛnɛ vɔɔndo, mò manda cɔcɔn ndɔn le còòlan.»


O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.


Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.


Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,


La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.


Lelan, la kɛɛ dɛnɛ-dɛnɛ co kɔlvesɛiyo a o kɛ́-kɛ̀ co kafalan, muulɔnndo, yeemɛi bɛnduei a caanda diolan tɛɛmbuuo.


O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.


Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.


Nɔm Mɛlɛka co ya kandaa le ya ciindiaa ni. A co ya mulullo mí va siŋnɔnndo langbanɔ kálàá.


Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.


Laandaa ndaa bɛɛ bɛnda mà va vanaa lebɛɛa, a va vanaa balu a caanda o lasondo-a le, mà va vanaa tosa dɛnndan tùúlen-nda, á lo o lediom coo o dɛnndan kpow nin-nda.


Nduyɛ, le mɛɛ naa n co kiilaa Yeesua yɛ, naa n tiwba mí naa simul vannda, kɛ mí n yɔŋnun vanaa ikɛndɛa niaa tɛɛn mɛɛ kalacuaa nɔ hɔlten cuavaa ndɔa coo nuaa yɛ.


Màá vannda kpow a sínà vanakɛndɛyɛi niɛi. Maalii co nin le hunɔ̀ɔ̀.


O va bɛɛ aa i co o ba nuu coo nuaa, i siŋnun cɛɔ le vannda kpow haliko mi sɔla vanaa bɔɔ-bɔɔ.


Màá dɛngulta sɔngɔɲɔnndan la deli nda coo! Màá a kɔ o yinnden nin, o soon yingilaa nin, nɛɛ nda cen ndɛnin lɔ́ɔ́-lɔ́ɔ̀ le-a!


Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.


Ya Pol, i co niaa tɛɛlɔn o yeela Krista-o nin a o vanakɛndɛyɛi ndɔɛi nin, ya vana vannda co hoo dimio maa te i va pɛ niaa tɛɛn, i soo fɛ́ɛ́-fɛ́ɛ́ a niaa, kɛ te i va pɛ niaa levil, i soo a hɔlta kalalan-ndo.


Mí Pol muli aa: «Puapilɛa nia, i ve sina le maa bolle vanaa-solia-lasálàá o co ni. Kani fúú le, Sɛbɛ Hala-o dimi aa: ‹Dimi sɔɛi vɔɔnde a simlacinɔ vanaa nɔmnda o kɔɔ le.›»


O co fisa mì vana vannun o sɔngilen nin o cɛiyo sɛmtɛ, a calle cɛi pilɔɔ nin niaa vanalanɔ lasɔngɔɔ.


sei lacòòvaa tɛnda seilen a còòlan-ndo a vana mɛli sɔngɔlan puapilɛa tɛɛn-ndo.


Kɛ nda co lende le, a ɲɛ nda sínà loo o kɔɔ nda soaa diomnda vɔɔnndan ni, sɔɔn nda sínà yɛ pɛɛngu-on, mɛɛ visia yondoa sínà sɔɛi pɛɛngu yɛ koni nda sínà mun ni. Nduyɛ sɔɔn nda sínà mun-ndon n co nda tɛɛmbuuo ni.


A kon kpede, vanaa kan co vɛlɛ dialun ndan nɔɔliaa o yiyannda ndala fondolan nin, mà va kɛɔ le luɛyɔɔ o ba Maalii-o bɛngu, a co mɛlɛkaa yeolan.


taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.


Kɔndɔfillo bii nda ni, le niaa kɛɔ cɔu delɔɔ nda kɔɔli o laasi-laasi nda kon nin, mà muungu niaa congulan:


vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.


O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.


Vana hiw kɔllo tuwvo-o bɛnda mò luɛi bɔnɔ, te o co kon te o yɛla.


Swiv nou:

Piblisite


Piblisite