Tite 3:10 - BII BILA

¹⁰ Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli.

Tite 3:10 Referans Kwoze

Rɔmnda 16:17

Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

2Nsaŋ 1:10

Te vanndo hin pɛ o niaa lo, mò hin a pɛɛkuu kon te, la yiya ndu o niaa lo cɛinin te, la yil ndu bɛɛ le.

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

2Tesalonikea 3:14

La bii hee bila ɲɛkɛndɛi, te vanndo bii sɔɔn naa n co niaa dimullo o sɛbɔɔ ho nin-ndon te, la holnun ndu le, haliko mi siɛmbulan la tol ndu.

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

Kalatea 5:12

Mɛɛ vanaa co niaa kan hɔlla hiŋndo-a, vana-vana kɔ kiolu vɔ hau dialii ndɔɛi.

1Korɛntea 11:19

Kɛ nduyɛ, mɛɛ mì piɔvanndan la va niaa tɛɛn, haliko mi vana sínà vanaa lo o lediom coo lekɛ́ndɛi-ya.

2Korɛntea 13:2

Lɔ́ɔ́ ya kɔɛ kɔla diinndɔlan-ndo, mí sila vanaa tosa dɛnnda lahakilan-nda a vanaa celen o sɔɔn mun coo. Hau vɛlɛ bɛɛ, i co bɛɛ niaa tɛɛn te, kɛ i co mun pɔɔ sondo mingi. Nduyɛ lɔ́ɔ́ ya muungunin o niaa lo lon-ndo, i hɛlinin vana-vana le.

2Piɛr 2:1

Vanaa-tɛɛngaa-diom Hala-a lacòòvaa va sindɛ Israɛlla tɛɛn. Nduyɛ, lende koni vanaa pɛɛkaa lacòòvaa vanin niaa tɛɛn ni. A hunnin a pɛɛkula vɔɔnndan o kɔlkalu vɔɔndo nin, mà kɛɛ bɛɛ Vana Bɛndu baŋa nda-o, o kon mì nda pila luei bollen o ɲánndávàà.