Tite 3:1 - BII BILA

¹ Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa.

Tite 3:1 Referans Kwoze

Vana Kɔlkaloo 10:4

Te vana nɔm bɛndoo tambu pɛ kɔl a nɔm, faŋan o fonda nɔm baalaa le. Kani meiyo mala vana le biondɔnnda bɔɔ-bɔɔ kpakpalaa.

Talelan 24:21

Po nuu sei! Ke Mɛlɛka a masaa bɛɛlen. Del vanaa yeema le dɛnndan kpow yɛlɛmiaa-a kɔɔli le.

Matie 22:21

Má mulul ndu aa: «Sesar ni.» O kon mó dimul nda aa: «Mɛɛ la mingul Sesar ɲɛ co le Sesar-o, mì la mingul Hala ɲɛ co le Hala-o.»

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

2Timote 2:21

Lelan te vanndo dindin pɛ le dɛnnda ya dimi lan ndan kpow, o siŋnun volɔɔ baalaa le makola sɔvɛlan, vana vana ndɔ bɛndoo solin mako-o pɛɛn, o toosian le dɛnɛ kɛndɛ súú-súù ka tosaa-o.

2Timote 1:6

Lelan i co nɔm yiyalan, mà bii ke n sɔla tuma ya handu nɔm balan coo-o-o ɲɛkɛndɛi.

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Tite 2:14

O yɔngún ndu pila le naa, le naa solio o dɛnnda vɔɔnndan nin kpow, mó siinguu naa vanaa diandaa co le ndu-a, haliko mi n va vanaa dialun fulaa le dɛnnda kɛndɛlan tosaa-o.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

1Timote 2:2

La piɛi Hala le masaa a le vanaa masalen le co o ba-a kpow, haliko mi n va nila ɲulu, mì n va vɛlɛ o kɔlɲuloo nin, mì n ke Hala bɛɛlen, mì n yiinun a ndu ɲɛkɛndɛi.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Yeremi 27:17

La yaŋnun nda le, la tosal masaa Babilɔn baalaa, mì la baŋa yoomu niaa. Le yɛɛ niaa cɛl-lɛnin mì kobio ho muungu bémbélan?›»

Tɔŋ miingua 17:12

Te vanndo pum tosa pɛ yongaa, mò kɛɛ le yamɛi vana-solia-lasálà co baalaa tosaa le Mɛlɛka Hala niaa-o kelu-e cɛlɔɔ, te kon te mò kɛɛ le diom vana kialaa n'yamaa biyɔɔ, vana kon bɛnda mò sɔla piɔ́mndo kangalan. Lende niaa tosanin le dɛnɛ vɔɔndo faŋaa Israɛlla tɛɛn ni.

2Piɛr 1:12

Lelan i vanin niaa sɔɔn mun yiyilanndo lɔ́ɔ́-lɔ́ɔ̀, o va bɛɛ maa la sina nin mun, mì la va isisi yili o toɲaa nin hau.

Tite 3:8

Sɔɛi toɲɛi co hee ni. I yeema ma tiinda pelei lecoo ɲɛkɛndɛi, haliko mi vanaa laalan Hala-a yɔngun nda pila, mà va dɛnnda kɛndɛlan tosaa. Dɛnnda naŋ mì la co vannda tɔnɔɔ lueiloo lan.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 1:11

Mì Krista mala niaa, mì la pɛ a dɛnnda sandaa lan, o kon mì Hala sɔla biiloo a sangalaa.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Esai 43:26

Lelan, la tindi yiyan nuu mì n kɔɔsan vellaa-velle. Niaa pila soo le dí niaa nuwviaa.

Yude 1:5

La sínà sɔɛi ken ɲɛkɛndɛ-kɛndɛ, i yeema mi yiyalan niaa mɛɛ Mɛlɛka baŋa Israɛlla o lɛŋnde Esipte len nin, kɛ mó diw vanaa kɛɛ le ndu laalanndo-a.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

2Timote 2:14

Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.