Tite 2:4 - BII BILA

⁴ o kon mà pɛɛku felengia laandua co o nɔ̀lan-nda le piaandua ndaa a cuavaa ndaa kaolaa,

Tite 2:4 Referans Kwoze

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

1Timote 5:2

mà ce vanlaandua kaasonnda maa kala nɔm, mà ce vanlaandua felengia maa yeemaa nɔmnda, mà dendu nda o hɔl o nɛilan kpow coo.

1Timote 5:11

Kɛ cɛ̀l le vanlaandua felengia piaandaa ndaa vi-a diolan sɛvaa le, kani taa yiyan pɛ le calle piaandua celen o ba o nɔu, a mulul Krista kɔɔ.

Tite 2:3

Pɛɛku vɛlɛ vanlaandua yuuvɛiya, mà va vanaa diandaa o kela ndaa nin. A va vanaa dimi sɔɔn vɔɔnndon-nda le, a yɔngun mɔiyan te. A va vanaa yɔngu silala kɛndɛlan-nda,

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.